Viðskiptaáætlun Nordical Travel ehf.: Inbound ferðaskrifstofa

Nordical er eins árs ferðaskrifstofa sem tekur á móti erlendum ferðamönnum sem vilja ferðast til Íslands. Viðskiptavinir Nordical geta valið um að versla ferð þar sem þeir keyra sjálfir um Ísland eða sameinast stærri hóp með bílstjóra. Starfsmenn Nordical fóru í greiningarvinnu og ákváðu að leggja áherslu á ferðamenn á aldrinum 25-45 ára sem tala ensku, þýsku, frönsku og kínversku. Það kom í ljós að engin íslensk ferðaskrifstofa væri að leggja áherslu á þennan markhóp. Nordical ákvað því að stökkva á tækifærið og vera fyrst. Í dag hafa starfsmenn Nordical byggt upp vefsíðu og vöruúrval á fjórum tungumálum. Boðið er upp á þrjár útgáfur af ferðum inn á síðunni leiðsöguferðir (e. guided tours), sjálfkeyrsluferði (e. road trips) og hópferðir (e. group trips). Markaðsherferðir til að selja ferðir eru byrjaðar að skila árangri og hefur verið rannsakað hvaða herferðir virka betur en aðrar. Fyrsti farþegi Nordical mun koma til Íslands í maí 2022 í ferð sem hann keypti af vefsíðu fyrirtækisins. Það hafa einnig komið fleiri bókanir út árið 2022 og fyrirspurnir fyrir 2023 eru byrjaðar að koma inn. Nordical mun einbeita sér að kjarnamarkhópi sínum út árið 2023. Þar á eftir mun félagið sækja á markaðssvæði sem tala fleirri tungumál til að auka veltu. Niðurstöður þessarar viðskiptaáætlunar sýna að 2021 eða fyrsta rekstarár félagsins er neikvætt um 15 miljónir og er það fjármagnað af stofnendum. Félagið nær núll punkti árið 2022 þegar að það veltir 162 miljónum. Næstu ár einkennast af miklum uppvexti og er gera áætlanir ráð fyrir því að félagið velti einum miljarði árið 2025 og skili 80 miljón króna hagnaði.

Author dc:creator

• Viktor Hagalín Magnason 1996-

Contributors dc:contributor

• Háskóli Íslands

• Viðskiptafræði

Language dc:language.iso

is

Handle dc:identifier.uri

http://hdl.handle.net/1946/41179

OAI identifier oai:identifier

oai:skemman.is:1946/41179