Virðismargfaldarar S&P 500. Söguleg greining á núverandi margföldurum S&P 500 vístölunnar

Mikið hefur verið rætt um hækkanir á hlutabréfamörkuðum seinasta árið. Við slíkt heyrast iðulega raddir um hvort nú sé komin hlutabréfabóla. Markmið þessarar ritgerðar er að rannsaka virðismargfaldara S&P 500 vísitölunnar í sögulegu ljósi og kanna hvort þeir geti gefið fyrirheit um hvort hlutabréfabóla sé ríkjandi og að setja spá fyrir meðalraunávöxtun á ári næstu 10 ár. Farið verður yfir sögu verðbréfamarkaða og helstu margfaldarar kynntir. Fjallað verður um skilvirkni markaða og bólumyndun almennt auk þess sem greint verður frá þremur tilvikum eignabólna. Fundin verða söguleg meðalgildi margfaldarana og núverandi hlutföll greind í ljósi þess. Helstu niðurstöður rannsóknarinnar voru að V/H, V/I, V/S og CAPE hlutfallið séu í hæstu hæðum og ýmis söguleg líkindi til staðar við bólumyndun. Umframávöxtun Shiller’s var þó rétt undir meðallagi. Það bendir til þess að hlutabréf séu að einhverju leyti orðin of dýr en vegna eðlis umframávöxtunar Shiller’s var niðurstaðan sú að, að svo stöddu, sé ekki bóla sjáanleg á bandarískum hlutabréfamarkaði þó margfaldarar í hæstu gildum skapi óhug meðal fjárfesta. Bólan virðist frekar vera á skuldabréfamarkaði. Spáin um meðalraunávöxtun á ári næstu 10 ár, sem sett var fram að lokinni aðhvarfsgreiningu á CAPE gildum og umframávöxtun Shiller’s annars vegar og meðalraunávöxtun á ári næstu 10 árin á eftir hins vegar, var sú að vænta mætti 1,96% meðalraunávöxtunar á ári næstu 10 árin af S&P 500 vísitölunni út frá fyrirliggjandi gögnum.

Author dc:creator

• Jóel Ísak Jóelsson 1998-

Contributors dc:contributor

• Háskóli Íslands

• Viðskiptafræði

Language dc:language.iso

is

Handle dc:identifier.uri

http://hdl.handle.net/1946/38114

OAI identifier oai:identifier

oai:skemman.is:1946/38114