Tímaritið Dunce: Hlutverk ritstjóra og útgefanda listtímarita

Skapandi ferli getur af sér margþætt efni auk lokaafurðar sem ýmist telst til listrænnar rannsóknar, hugmyndavinnu, skissugerðar, mótunar stefnuyfirlýsinga og yfirlýsinga listamanna. Þessir angar mismunandi skrifa úr sköpunarferli listamanna veita innsýn í það efni sem ritstjóri á sviði dans- og gjörningalistar þarf að hafa þekkingu á til þess að geta gegnt hlutverki sínu; að velja inn höfunda og listamenn til umfjöllunar jafnt sem að móta þemu og efnistök sem eru í samhengi við það sem er að gerast innan listasenunnar hverju sinni. Ritstjóri innan listgreina þarf að vera í góðu samtali við höfund þannig að textinn styðji við merkingarsköpun verksins. Eftirfarandi ritgerð er unnin út frá ritstjórnar- og útgáfuferlinu á tímaritinu Dunce sem ég ritstýrði og gaf út í desember 2020 í stamstarfi við Prent & vini. Markmiðið var að skapa nýjan umræðuvettvang fyrir dans- og gjörningalistir á Íslandi með það í huga að hafa umhverfissjónarmið í forgrunni, einblína á sköpunarferlið og að vinna efni blaðsins í samtali við listamenn sem starfa á fagvettvanginum þannig að efnið endurspegli og veiti greinargóða innsýn í starfsemi senunnar.

Author dc:creator

• Sóley Frostadóttir 1992-

Contributors dc:contributor

• Háskóli Íslands

• Hagnýt ritstjórn og útgáfa

Language dc:language.iso

is

Handle dc:identifier.uri

http://hdl.handle.net/1946/37913

OAI identifier oai:identifier

oai:skemman.is:1946/37913