Miskabætur í kjölfar annmarka á málsmeðferð stjórnvalda við stöðuveitingar

Ákvæði b-liðar 1. mgr. 26. gr. skaðabótalaga nr. 50/1993 (skbl.) varðar miskabætur á grundvelli ólögmætrar meingerðar og er meginþráður þessara skrifa. Þau mál sem byggja á ákvæðinu eru fjölbreytt og koma til þegar einstaklingur telur sig verða fyrir ólögmætri meingerð. Getur þetta varðað meiðandi umfjöllun fjölmiðils, vinnusamband vinnuveitanda og starfsmanns, skipanir í embætti o.s.frv. Áhersla þessara skrifa beinist að þeirri tegund mála þar sem annmarkar hafa verið á málsmeðferð stjórnvalds við stöðuveitingu í tiltekið starf. Þau mál þar sem miskabótakrafa er höfð uppi í þessum málum er að jafnaði byggt á b-lið 1. mgr. 26. gr. skbl. á grundvelli þess að gengið hafi verið fram hjá hæfari umsækjanda um starf við stöðuveitingu. Þó eru einnig þau tilvik þar sem lögum nr. 150/2020 er beitt um jafna stöðu og jafnan rétt kynjanna (jfrl.), einkum 31. gr., en það er í þeim tilvikum sem mismunun við stöðuveitingu byggir á kynferði. Verður því farið yfir uppruna og þróun miskabótaákvæðis skbl. auk þess sem miskabótaákvæði jfrl. verður skoðað. Grunvallarhugtök efnisins verða einnig skýrð nánar auk þeirra skilyrða sem ákvæðið setur. Verður svo megininntak skrifanna að fara yfir dómaframkvæmd Hæstaréttar varðandi þessi mál og henni gerð ítarleg skil í 5. kafla, með sérstaka áherslu á nýfallna dóma Hæstaréttar í Hrd 11. febrúar 2021 (22/2020 & 22/2020). Með skrifunum er höfundur að leitast eftir að svara því hvar kröfur um miskabætur, í kjölfar annmarka á málsmeðferð stjórnvalda við stöðuveitingu, standa í íslenskum rétti. Verður það gert með því að skoða þær sönnunarkröfur um miska sem dómstólar setja, upphæðir dæmdra bótafjárhæða og rökstuðning dómstóla til þess að ýmist hafna kröfu um miskabætur eða fallast á hana.

Author dc:creator

• Emma Ljósbrá Friðriksdóttir 1998-

Contributors dc:contributor

• Háskóli Íslands

• Lögfræði

Language dc:language.iso

is

Handle dc:identifier.uri

http://hdl.handle.net/1946/37728

OAI identifier oai:identifier

oai:skemman.is:1946/37728