Sumarlokanir í leikskólum Reykjavíkurborgar. Draumaskipulagið?

Tilgangur rannsóknarinnar er að kanna hver er hagkvæmasta leiðin fyrir Reykjavíkurborg að haga sumaropnun leikskóla. Öllum leikskólabörnum í leikskólum Reykjavíkurborgar ber að taka 20 daga sumarleyfi og voru þrjár skipulagsleiðir skoðaðar með það í huga. Fyrsta skipulagsleiðin er sú sem Reykjavíkurborg notar í dag fyrir sína leikskóla og eru þá allir leikskólar fyrir utan einn úr hverju hverfi lokaðir að jafnaði í fjórar vikur. Einn leikskóli úr hverju hverfi er opinn allt sumarið og hafa því foreldrar val að einhverju leyti um sumarleyfi barna sinna. Í annarri skipulagsleiðinni eru allir leikskólar opnir yfir sumarleyfistímann og hafa foreldrar algjört val um sumarleyfistíma barna sinna. Í þriðju skipulagsleiðinni eru leikskólar lokaðir í tvær vikur og hafa foreldrar val um að taka 10 virka daga í sumarleyfi öðru hvoru megin megin við lokunina. Til að kanna hver hagkvæmasta leiðin fyrir Reykjavíkurborg að haga sumaropnun leikskóla var kostnaður þessara þriggja mismunandi skipulagsleiða reiknaður og borin saman. Einnig var leitast við að kanna viðhorf foreldra, starfsmanna og stjórnenda leikskóla til þessara þriggja skipulagsleiða. Notuð var eigindleg aðferðafræði og tekin viðtöl við sjö foreldra barna í leikskólum Reykjavíkurborgar, sjö starfsmanna leikskóla Reykjavíkurborgar og sjö leikskólastjóra leikskóla Reykjavíkurborgar. Gögnum var safnað með hálf-stöðluðum spurningalistum sem voru send á þátttakendur. Helstu niðurstöður sýna að skipulagsleið 1 er hagkvæmust fyrir Reykjavíkurborg með tilliti til kostnaðar. Hins vegar sýna niðurstöður að viðhorf foreldra, starfsmanna og stjórnenda eru ólík þegar kemur að mismunandi skipulagsleiðum sumaropnun leikskóla Reykjavíkurborgar. Foreldrar sáu marga kosti við skipulagsleið 2. Skiptar skoðanir voru meðal starfsmanna á skipulagsleiðunum og stjórnendur sáu flesta kosti við skipulagsleið 1 og flesta ókosti við skipulagsleið 2. Niðurstöður sýna að allir hópar sáu fáa ókosti við skipulagsleið 3. Rannsóknin hefur hagnýtt gildi fyrir sveitarfélög landsins og gefur innsýn í mögulegar útfærslur á mismunandi skipulagsleiðum.

Author dc:creator

• Linda Björk Pétursdóttir 1990-

Contributors dc:contributor

• Háskóli Íslands

• Viðskiptafræði
• Reykjavíkurhöfn
• Leikskólar

Language dc:language.iso

is

Handle dc:identifier.uri

http://hdl.handle.net/1946/35559

OAI identifier oai:identifier

oai:skemman.is:1946/35559