Tákn með tali með ungum og öldruðum : hvernig getur tákn með tali stutt við tjáskipti ólíkra hópa?

Tjáskipti við annað fólk er mikilvægur þáttur í tilveru bæði barna og fullorðinna. Margir á báðum æviskeiðum geta átt í erfiðleikum með tal og tjáskipti sökum ólíkra skerðinga og getur því verið nauðsynlegt að grípa til annarra tjáskiptaleiða til stuðnings talmálinu. Ritgerð þessi er athugun á hvort tákn með tali (TMT) geti stutt við tjáskipti ólíkra hópa. Við vildum skoða hvernig sú tjáskiptaaðferð gagnaðist börnum og fullorðnum með eða án fötlunar. Til þess að skilja mikilvægið og ná góðri yfirsýn á viðfangsefnið var byrjað á að skoða hver réttur fólks er til að eiga mannleg samskipti. Börn geta verið sein til máls en það er oftast vegna þroskafrávika eða þroskaskerðingar og sumt fullorðið fólk fær skerðingar við að eldast. Niðurstöður okkar benda til að TMT geti nýst báðum þessum aldurshópum vel og einnig innflytjendum sem starfa hér og læra íslensku. Niðurstöður okkar benda jafnframt til þess að hægt væri að nýta TMT meira samhliða talmáli þegar erfitt er að útskýra, heyra eða skilja talmálið. Með TMT-inngripi myndi fólk tala hægar og vanda sig meira en einnig viðhalda, auka og halda tjáningarmáta sínum. Við það myndu öll samskipti styrkjast og félagsleg tengsl eflast, hvort sem um börn eða fullorðna er að ræða.

Authors dc:creator

• Sesselja Anna Ólafsdóttir 1967-
• Birgitta Hrönn Jónsdóttir 1995-

Contributors dc:contributor

• Háskóli Íslands

• BA ritgerðir
• Þroskaþjálfafræði
• Tákn með tali
• Boðskipti

Language dc:language.iso

is

Handle dc:identifier.uri

http://hdl.handle.net/1946/34221

OAI identifier oai:identifier

oai:skemman.is:1946/34221