Með grænni stefnu skapast forskot

Við lifum á tímum þar sem mikil vitundarvakning hefur átt sér stað og á hverjum degi heyrast háværar raddir sem vekja athygli á umhverfismálum og hvernig við mannfólkið sem hluti af vistkerfinu erum að tortíma jörðinni og lífríki hennar. Tilgangurinn með að byggja upp umhverfisvæna stefnu og markaðssetja svokallaðar ´grænar´ vörur og/eða þjónustu er liður í því að sporna við þeim áhrifum sem mannfólkið hefur á vistkerfið, umhverfið og plánetuna. Um allan heim eru einka og opinberar stofnanir að auka þátttöku sína til að vernda umhverfið og að byggja upp umhverfisvænar stefnur til að bæta lífsgæði mannkyns og vistkerfi á jörðinni. Markmiðið var að komast að því hver líkleg þróun væri á grænum vörum í kauphegðun neytenda og fyrir ímynd fyrirtækja. Til þess að rannsaka það voru fjórir meginþættir skoðaðir; græn neysla og kauphegðun, græn markaðssetning fyrirtækja, græn ímynd fyrirtækja og hvort það væri tenging á þessum þáttum við grænþvott. Til að öðlast dýpri skilning á viðfangsefninu hannaði rannsakandi megindlegan spurningalista og dreifði honum á samfélagsmiðlinum Facebook. Eftir gagnaöflun og úrvinnslu gagna stóðu eftir samtals 575 þátttakendur og voru gögnin greind og unnin úr þeim svörum. Helstu niðurstöður rannsóknarinnar sýna að grænar vörur hafa vaxandi vægi í kaupákvörðun viðskiptavina og er aukin eftirspurn eftir þeim. Græn stefna verður mikilvægur liður í að markaðssetja og byggja upp ímynd fyrirtækis og fyrirtæki geta ekki horft framhjá því að innleiða hana ef þau vilja halda eða skapa samkeppnisforskot á markaði. Grænt verður grundvöllur fyrir fyrirtæki til að byggja upp sérstöðu fyrir arðbær og farsæl fyrirtæki á markaði og mikilvægt að innleiða græna stefnu til að skapa forskot og aðgreiningu í rekstri.

Author dc:creator

• Gunnar Friðriksson 1991-

Contributors dc:contributor

• Háskóli Íslands

• Viðskiptafræði
• Markaðssetning
• Kauphegðun
• Umhverfisvænar vörur

Language dc:language.iso

is

Handle dc:identifier.uri

http://hdl.handle.net/1946/32983

OAI identifier oai:identifier

oai:skemman.is:1946/32983