Það eru leikhúsin sem ala upp públikum: Listræn stefna og verkefnaval leikhópsins Grímu 1961-1970

Ritgerðin fjallar um leikhópinn Grímu sem starfaði í Reykjavík á árunum 1961-1970. Verkefnaskrá Þjóðleikhússins og Leikfélags Reykjavíkur var stofnendum Grímu ekki að skapi, því þeim fannst sjónarmiðin ekki vera að ala upp almenning heldur þjóna gróða- og hagsmunasjónarmiðum. Stofnendur Grímu voru sex og þau komu úr hópi listamanna og fræðimanna og settu listrænan metnað á oddinn í starfi sínu. Þau höfðu aðstöðu í Tjarnarbæ og unnu af hugsjóninni einni saman. Stefna Grímu var að breyta ýmsum áherslum í leiklistarlífi Reykvíkinga og settu upp þau verk sem þeim fannst áhugaverð, verk sem höfðu ekki verið sett á svið áður eftir bæði erlenda höfunda og nýja íslenska höfunda sem ekki höfðu verið sett upp leikrit eftir áður. Verkin voru af ýmsu tagi og vöktu sýningar Grímu athygli. Grímu tókst að breyta ýmsu í leiklistarumhverfi í Reykjavík og átti þátt í margskonar uppbyggingar- og frumkvöðlastarfi. Ritgerðin fjallar um starf Grímu frá upphafi til síðustu uppfærslu hópsins árið 1970. Gerð er grein fyrir stefnu Grímu og sérstaklega fjallað um hvernig hún birtist í verkefnavali leikhópsins.

Author dc:creator

• Hlín Einarsdóttir 1977-

Contributors dc:contributor

• Háskóli Íslands

• Almenn bókmenntafræði
• Leikhússtefnur
• Gríma (leikhópur)
• Leiklistarkenningar

Language dc:language.iso

is

Handle dc:identifier.uri

http://hdl.handle.net/1946/2749

OAI identifier oai:identifier

oai:skemman.is:1946/2749