„Fagleg vinnubrögð í ferlinu skipta öllu máli“ Reynsla fagaðila af raunfærnimati á Íslandi

Markmið þessarar rannsóknar var að varpa ljósi á reynslu fagaðila í raunfærnimati, viðhorf þeirra og fulltrúa formlega skólakerfisins til nemenda sem koma inn í nám eftir raunfærnimat. Tekin voruð hálfstöðluð viðtöl við náms- og starfsráðgjafa, verkefnastjóra, matsaðila og fulltrúa skólakerfisins með það að leiðarljósi að fá fram reynslu og þekkingu af störfum þeirra tengdum raunfærnimati. Í niðurstöðum rannsóknarinnar kemur fram að viðhorf til ráðgjafar í raunfærnimati eru jákvæð og að fagaðilar eru sammála um að faglegra vinnubragða sé gætt í hvívetna í gegnum ferlið. Ráðgjöfin er talin mikilvæg og í góðum farvegi en eftirfylgnin mætti vera meiri að loknu raunfærnimati. Táknmynd samhæfingar fagaðila var áberandi einkenni í niðurstöðum rannsóknarinnar, þar sem öflugt fagfólk, gott matstæki og góð samvinna eru í fyrirrúmi. Mikill áhugi og gleði við vinnuna tengir fagfólkið saman og það er sammála um að ryðja úr vegi hindrunum sem verða í starfinu. Vandamál í raunfærnimatsferlinu eru helst tengd skorti á fjármagni eða misskiptingu þess. Enn fremur kom fram að viðhorf skólakerfisins gagnvart raunfærnimatsnemendum eru jákvæð, sérstaklega í þeim tilvikum þar sem skólakerfið gerir ráð fyrir viðkomandi nemendum. Niðurstöður rannsóknarinnar eru til dæmis nytsamlegar fulltrúum formlega skólakerfisins og framhaldsfræðslunnar sem sjá um framkvæmd og þróun raunfærnimats.

Author dc:creator

• Vigdís Thorarensen Finnbogadóttir 1983-

Contributors dc:contributor

• Háskóli Íslands

• Náms- og starfsráðgjöf
• Raunfærnimat
• Viðhorfskannanir

Language dc:language.iso

is

Handle dc:identifier.uri

http://hdl.handle.net/1946/26509

OAI identifier oai:identifier

oai:skemman.is:1946/26509