Dýr sem eignir. Kenningar afnámssinna og velferðarsinna.

Í þessari ritgerð er fyrst og fremst leitast við að draga saman hugmyndir þeirra sem aðhyllast annars vegar afnámshyggju (e. Abolitionism) og hins vegar velferðarhyggju (e. Welfarism) í umræðu um dýrasiðfræði og í umræðu um stöðu dýra sem eignir. Annars vegar er sérstaklega fjallað um kenningarar bandaríska heimspekingsins, Gary L. Francione, eins helsta fulltrúa afnámssinna, sem er þeirrar skoðunar að ekki sé siðferðilega réttlætanlegt fyrir menn að líta á dýr sem eignir sínar né nota þau sem tæki í þágu eigin markmiða. Hins vegar er fjallað um kenningar breska heimspekingsins Roberts Garners sem telur að hægt sé að veita hagsmunum dýra ríkulega vernd innan núverandi kerfis sem byggir á velferðarhyggju þrátt fyrir að þau hafi áfram stöðu eigna. Garner er jafnframt þeirrar skoðunar að það sé ekki staða dýra sem eignir sem valdi siðferðilega ámælisverðri hegðun manna í garð þeirra heldur sú hugmyndafræði og pólitík sem ríkjandi er í heiminum og þá sérstaklega í þeim samfélögum þar sem frjálshyggja er ráðandi. Í ritgerðinni fjalla ég jafnframt um hvað ég tel vera sannfærandi og hvar ég tel skorta betri rökstuðning í kenningum þeirra Roberts Garner og Gary L. Francione. Í fyrstu köflum ritgerðarinnar er einnig farið yfir hvernig hugmyndir manna um stöðu og gildi dýra hafa breyst frá því í byrjun 19. aldar auk þess sem fjallað er um hvað er átt við með eignarrétti og hvað merkir að segja að dýr hafi siðferðilegt gildi.

Author dc:creator

• Inga Arnarsdóttir 1988-

Contributors dc:contributor

• Háskóli Íslands

• Heimspeki

Language dc:language.iso

is

Handle dc:identifier.uri

http://hdl.handle.net/1946/26477

OAI identifier oai:identifier

oai:skemman.is:1946/26477