Raunverulegur eigandi í alþjóðlegum skattarétti

Hugtakið „raunverulegur eigandi“ lýsir því hver hefur ráðstöfunarrétt og ábatann af tiltekinni eign. Sá aðili sem á rétt til ágóðans af eigninni telst að öllu jöfnu vera hinn raunverulegi eigandi. Við framkvæmd skattalöggjafar þykir rétt að skattlagning beinist að raunverulegum eiganda tekna. Í þeim tilvikum þegar tekjur hjá aðila í einu ríki hafa orðið til í öðru ríki þá kunna bæði ríkin að gera tilkall til skattlagningu þessara tekna. Tvísköttunarsamningar hafa annars vegar það markmið að koma í veg fyrir tvöfalda skattlagningu og hins vegar að koma í veg fyrir að tekjum sé skotið undan skattlagningu. Í flestum tvísköttunarsamningum síðari ára hafa verið ákvæði um að einungis raunverulegur eigandi arðs, vaxta og þóknana geti fengið lausn frá skattlagningu í því ríki þar sem tekjurnar verða til. Þannig hefur markmið ákvæða um raunverulegan eiganda í alþjóðlegum skattarétti aðallega snúist að því að hindra undanskot tekna frá skattlagningu. Í ritgerð þessari verður leitast við að skilgreina notkun hugtaksins í íslenskum og alþjóðlegum skattarétti að teknu tilliti til ákvæða alþjóðasamninga. Þá verður fjallað um notkun hugtaksins í dómaframkvæmd.

Author dc:creator

• Helgi Samúel Guðnason 1969-

Contributors dc:contributor

• Háskóli Íslands

• Lögfræði
• Alþjóðlegur skattaréttur
• Tvísköttunarsamningar

Language dc:language.iso

is

Handle dc:identifier.uri

http://hdl.handle.net/1946/24199

OAI identifier oai:identifier

oai:skemman.is:1946/24199