Innleiðing ISO 14001 hjá Netpörtum ehf. Lærdómur, kostir og gallar

Með aukinni meðvitund um þau áhrif sem fyrirtæki hafa á umhverfi sitt ásamt hertari löggjöf og breyttu viðhorfi almennings til umhverfismála, hafa fyrirtæki í auknum mæli endurskoðað starfsemi sína og breytt henni í þágu umhverfissjónarmiða. ISO (Alþjóðlega staðlaráðið) 14001 staðalinn á rætur sínar að rekja til breyttrar heimssýnar í umhverfismálum og gerir innleiðing hans fyrirtækjum kleift að að byggja upp og reka umhverfisstjórnunarkerfi til að ná fram betri árangri í umhverfismálum sínum. Staðallinn er gefinn út af ISO en sjálfstæðir aðilar sjá um vottun. Alþjóðlegar rannsóknir hafa sýnt fram á að fyrirtæki fara frekar út í innleiðingu á staðlinum til þess að vera leiðandi í umhverfismálum en til þess að ná fjárhagslegum ávinningi. Jafnframt sýna niðurstöður kannana að þátttaka og stuðningur innri og ytri hagsmunaaðila skipti höfuðmáli við innleiðingarferlið. Ýmsir hjallar virðast þó vera á veginum og hafa mörg fyrirtæki sem hefja innleiðingu ekki lokið við að öðlast formlega vottun. Eigindleg könnun á innleiðingu ISO 14001 hjá fyrirtækinu Netpörtum ehf. leiddi í ljós að þar er almenn ánægja með staðalinn og innleiðing hans hefur stuðlað að aukinni skilvirkni í rekstri. Þá telja stjórnendur að hann geti hjálpað fyrirtækinu að vera leiðandi á sviði umhverfismála á þeim vettvangi sem fyrirtækið starfar. Í ljós kom að helstu ókostir sem fylgdu innleiðingunni voru að það er fremur dýrt að öðlast vottun auk þess sem það tekur talsverðan tíma stjórnenda og krefst mikillar skjölunar.

Author dc:creator

• Kristófer Kristófersson 1990-

Contributors dc:contributor

• Háskóli Íslands

• Viðskiptafræði
• Umhverfismál
• Fyrirtæki
• Staðlar

Language dc:language.iso

is

Handle dc:identifier.uri

http://hdl.handle.net/1946/23739

OAI identifier oai:identifier

oai:skemman.is:1946/23739