Viðhorf ungmenna til kannabis: Samanburður á nemendum 10. bekkjar grunnskóla og 3. árs nemum framhaldsskóla

Markmið þessarar rannsóknar var að reyna að varpa ljósi á viðhorf ungmenna til kannabis og kannabisneyslu. Einnig var skoðað hvort aldur og félagsleg staða hefði áhrif á viðhorf og neyslu ungmenna á kannabis. Við framkvæmd rannsóknarinnar var notast við megindlega rannsóknaraðferð í formi spurningalista. Hann var lagður fyrir nemendur á 3. ári í Fjölbrautaskóla Suðurlands, sem náð hafa 18 ára aldri. Til samanburðar var notast við gögn úr ESPAD (the European School Survey Project on Alcohol and Other Drugs) rannsókninni. Notuð voru nýjustu gögn rannsóknarinnar frá vorinu 2015. Í þeirri rannsókn er spurningalisti lagður fyrir alla nemendur 10. bekkjar grunnskóla á landinu. Við fyrirlagninu spurningalistans við Fjölbrautaskóla Suðurlands var ákveðið að nota allt þýðið sem var um það bil 140 einstaklingar. Af þeim tóku 53 þátt í rannsókninni og var svarhlutfallið því 37,8%. Helstu niðurstöður rannsóknarinnar eru að nemendur á 3. ári í framhaldsskóla hafa jákvæðara viðhorf gagnvart kannabis og kannabisneyslu heldur en nemendur 10. bekkja í grunnskóla. Munur á viðhorfi til kannabis eftir því hversu sterk ungmenni standa félagslega er til staðar og benda niðurstöður rannsóknarinnar til þess að þeir einstaklingar sem eru í sterkari félagslegri stöðu hafi almennt jákvæðara viðhorf gagnvart kannabis heldur en þeir sem hafa veikara bakland félagslega. Aðgengi ungmenna að kannabis virðist vera auðvelt en töluverður munur er á aðgengi eftir aldri. Nemendur á 3. ári í framhaldsskóla hafa töluvert greiðari aðgang að kannabis heldur en nemendur 10. bekkja í grunnskóla. Lykilorð: kannabis, ungmenni, viðhorf, aðgengi, neysla, nemendur.

Author dc:creator

• Anna Rut Tryggvadóttir 1989-

Contributors dc:contributor

• Háskóli Íslands

• Félagsráðgjöf
• Unglingar
• Kannabisefni
• Fíkniefnaneysla

Language dc:language.iso

is

Handle dc:identifier.uri

http://hdl.handle.net/1946/23231

OAI identifier oai:identifier

oai:skemman.is:1946/23231