Manneskjan á úthverfunni. Um andlitsmyndir Kristínar Eyfells

Á árunum 1976-1998 málaði Kristín Halldórsdóttir Eyfells (1917-2002) sín þekktustu verk. Málverkin eru hluti af myndaröð hennar Famous Faces og eru, eins og nafnið gefur til kynna, andlitsmyndir af frægu fólki. Í verkunum vinnur Kristín með tvö sterk minni; portretthefðina og ljósmyndina. Í ritgerðinni er leitast við að setja verkin í listasögulegt samhengi þar sem gerð er grein fyrir áhrifum módernismans í listsköpun hennar, en í verkunum gætir m.a. áhrifa frá kúbisma, abstraktlist og popplist. Rýnt er í sérkenni andlitsmyndanna en Kristín málar eftir ljósmyndum sem hún finnur í blöðum og tímaritum og gerir að sínum. Málverkin eru tilfinningarík tilraun til að fanga hið óséða, sálina, og útkoman er litrík og kraftmikil túlkun og listræn sálgreining sem sýnir hið innra á úthverfunni. Að endingu eru myndirnar skoðaðar nánar út frá sjónhorni, myndrými, formi og litum en ofhleðsla forma og lita eru einkennandi í málverkum Kristínar. Hún dregur fram andlitsdrætti og sérhverja hrukku með gróteskum hætti og töfrar fram með formrænum hætti persónuleika fyrirmynda sinna þar sem yfirborðinu er flett af.

Author dc:creator

• Fríða Dís Guðmundsdóttir 1987-

Contributors dc:contributor

• Háskóli Íslands

• Listfræði
• Kristín Halldórsdóttir Eyfells 1917-2002
• Andlitsmyndir

Language dc:language.iso

is

Handle dc:identifier.uri

http://hdl.handle.net/1946/21365

OAI identifier oai:identifier

oai:skemman.is:1946/21365