Erfið sambönd. Karlar sem beittir eru ofríki í nánum samböndum

Rannsóknir á heimilisofbeldi eru undir miklum áhrifum frá hugmyndum um jafnrétti kynjanna og baráttu gegn kynbundnu ofbeldi. Fyrir vikið hafa karlkyns þolendur heimilisofbeldis fallið í skugga þess ofbeldis sem konur og börn eru beitt. Í mörgum rannsóknum er aðeins vikið að karlkyns þolendum í hlutfallstölum í sambanburði kynjanna og oft virðist sem ekki sé talin ástæða til að kanna sérstaklega umfang þess ofbeldis sem þeir verða fyrir. Margir fræðimenn hafa tekið undir þá almennu skoðun að karlkyns þolendur séu lítill hópur og að karlar séu almennt færir um að sjá um sig sjálfir í samskiptum við erfiðar eiginkonur. Aðrir hafa vakið athygli á hlutskipti þessara karla og bent á að afleiðingar ofbeldis í sambúð getur haft slæm áhrif á lífsgæði og andlega og líkamlega heilsu karla ekki síður en kvenna. Kynjað sjónarhorn á þessa umræðu hefur víðtæk áhrif og karlar í erfiðum samböndum óttast að missa tengsl við börn sín, þeim er síður trúað og þeir mæta oft fordómum. Konur sem eiga erfitt með að stjórna reiði sinni eiga að sama skapi erfitt með að fá meðferð við hæfi. Í þessari ritgerð er sýnt fram á að fleira er líkt en ólíkt í aðstæðum karla og kvenna í erfiðum samböndum og að fleiri rannsókna er þörf ef skýra á kynjamun í ofbeldishegðun.

Author dc:creator

• Aðalheiður Eiríksdóttir 1962-

Contributors dc:contributor

• Háskóli Íslands

• Félagsfræði
• Heimilisofbeldi
• Karlar

Language dc:language.iso

is

Handle dc:identifier.uri

http://hdl.handle.net/1946/21101

OAI identifier oai:identifier

oai:skemman.is:1946/21101