Lögreglan og samfélagsmiðlar: Ímynd og orðspor

Almenningur á Íslandi hefur lengi borið mikið traust til lögreglunnar en minna er vitað um þá ímynd sem lögreglan hefur í huga almennings. Ritgerð þessi fjallar um samskipti lögreglu og almennings í gegnum samfélagsmiðla á internetinu og hvernig hægt er að skapa viðskiptatengsl milli opinberrar stofnunar og almennings. Auk þess er fjallað um hvernig nota megi þessi tengsl til að skapa stofnun ákveðna ímynd í huga almennings. Litið er á samskipti löggæsluyfirvalda fyrr og nú, ímyndasköpun því tengdu og löggæslu hér á landi. Auk þess eru helstu samfélagsmiðlar nútímans skoðaðir og athugað hvernig Lögreglan á höfuðborgarsvæðinu nýtir sér þá við löggæslustörf. Þá verður litið á notkun annarra stofnana og félagasamtaka á samfélagsmiðlum og hvernig nota má samfélagsmiðla við stjórnun viðskiptatengsla. Könnun var gerð með það að leiðarljósi að sjá hver áhrif samfélagsmiðla Lögreglunnar á höfuðborgarsvæðinu eru á ímynd lögreglunnar sjálfrar og störf hennar. Einnig var athugað hvort fólk geti hugsað sér að fylgjast með fleiri opinberum stofnunum á samfélagsmiðlum. Niðurstöður könnunar voru þær að notkun lögreglunnar á samfélagsmiðlum hefur góð áhrif ímynd lögreglunnar. Fólk sér lögregluna í nýju ljósi og kynnist mannlegu hlið lögreglunnar. Áhugi fyrir öðrum opinberum stofnunum á samfélagsmiðlum var hins vegar ekki jafnafgerandi mikill og áhuginn fyrir núverandi samfélagsmiðlum Lögreglunnar á höfuðborgarsvæðinu.

Author dc:creator

• Markús Benediktsson 1982-

Contributors dc:contributor

• Háskóli Íslands

• Viðskiptafræði
• Lögreglan
• Samfélagsmiðlar

Language dc:language.iso

is

Handle dc:identifier.uri

http://hdl.handle.net/1946/18108

OAI identifier oai:identifier

oai:skemman.is:1946/18108