Misbeiting tölfræðinnar í hagrannsóknum

Hlutverk hagrannsókna er notkun stærðfræðilegra og tölfræðilegra aðferða til rannsókna í hagfræði og til þess að sannreyna gildi hagfræðikenninga í raunveruleikanum. Stærðfræðilegar og tölfræðilegar aðferðir hagrannsókna nýtast til rannsókna innan annarra fræðigreina en hagfræði, t.d. viðskiptafræði, félagsfræði, líffræði, sálfræði, læknisfræði og stjórnmálafræði. Misbeiting stærðfræðilegra og tölfræðilegra aðferða hagrannsókna er stórt vandamál í dag með aukinni notkun tölfræðilegra aðferða í samfélaginu og nauðsynlegt að ráða bót þar á. Með aukinni tækni hafa orðið framfarir í söfnun og úrvinnslu gagna í hagrannsóknum, en engu að síður eru enn fyrir hendi óleyst vandamál. Í þessari ritgerð er fjallað um misbeitingu tölfræðinnar í hagrannsóknum og vandamál sem skapast í framhaldi af því. Ritgerðinni er skipt í þrjá kafla og fjalla þeir um hvernig bjögun verður til í gagnasöfnum, í úrvinnslu gagna og að lokum í túlkun niðurstaðna. Í hverjum kafla er fjallað um nokkrar tegundir misbeitingar og dæmi tekin um hvert þeirra. Markmið þessarar ritgerðar er að vekja fólk til umhugsunar um þau vandamál sem skapast þegar ekki er farið að reglum hagrannsókna. Einnig að benda fólki á að vera á varðbergi með gagnrýnni hugsun og glepjast ekki af innantómri tölfræði og rangtúlkuðum niðurstöðum sem fylgja í kjölfarið.

Author dc:creator

• Signý Sigmundardóttir 1987-

Contributors dc:contributor

• Háskóli Íslands

• Hagfræði
• Hagrannsóknir
• Tölfræði

Language dc:language.iso

is

Handle dc:identifier.uri

http://hdl.handle.net/1946/10530

OAI identifier oai:identifier

oai:skemman.is:1946/10530