Hvað verður um yngstu leikmennina? : greining á ferli yngstu leikmanna sem hafa spilað í efstu deild karla í knattspyrnu á Íslandi

Markmið þessarar rannsóknar var að greina feril þeirra leikmanna sem hafa fengið tækifæri óvenju snemma í efstu deild karla á Íslandi og kanna hvort snemmbær frumraun tengdist langtímaárangri í knattspyrnu. Þátttakendur voru 25 yngstu leikmenn sem hafa leikið í efstu deild karla á Íslandi frá upphafi, miðað við aldur við frumraun. Rannsóknin var afturskyggn megindleg rannsókn sem byggði á opinberum leik- og ferilgögnum frá meðal annars KSÍ (Knattspyrnusamband Íslands) og Transfermarkt. Gögnin voru unnin í Microsoft Excel með lýsandi tölfræði, Pearson-fylgnigreiningum og lógistískri aðhvarfsgreiningu. Helstu niðurstöður sýndu að tengsl aldurs við frumraun og breytum á langtímaferli voru almennt veik eða óljós. Marktæk neikvæð fylgni kom fram milli aldurs við frumraun og spilaðra mínútna á öðru tímabili, en túlka þarf þá niðurstöðu með varfærni vegna lítils úrtaks og þess að margir leikmenn spiluðu engar mínútur. Lógistísk aðhvarfsgreining sýndi ekki marktæk tengsl milli frumraunaaldurs og atvinnumennsku. Meginályktun rannsóknarinnar er að snemmbær frumraun virðist ekki vera sterk vísbending um langtímaárangur, heldur þurfi að skoða hæfileikamótun leikmanna sem margþætt og ólínulegt ferli.

Author dc:creator

• Tristan Esekíel Baldursson 2000-

Contributors dc:contributor

• Háskólinn í Reykjavík

• Íþróttafræði
• Knattspyrnufólk
• Velgengni
• Atvinnumennska

Language dc:language.iso

is

Handle dc:identifier.uri

https://hdl.handle.net/1946/53586

OAI identifier oai:identifier

oai:skemman.is:1946/53586