Vélfugl : grunnur að vélrænu námi til flugstýringar

Í þessu verkefni var lagður grunnur að vélrænu námi fyrir flugstýringu vélfugls í samstarfi við Flygildi ehf. Markmið verkefnisins var að hanna og smíða prófunarumhverfi þar sem hægt væri að stjórna vænghreyfingum vélfugls með servómótorum, mæla krafta sem myndast við hreyfingarnar og nota mæligögnin til að þróa betri hreyfimynstur. Verkefnið skiptist í tvo meginhluta: annars vegar hönnun og smíði vélbúnaðar og hins vegar þróun hugbúnaðar fyrir stýringu, gagnasöfnun og vélnám. Vélfuglinn var byggður úr 3D-prentuðum hlutum, servómótorum og vængjum úr balsaviði. Hugbúnaðurinn var skrifaður í Python og skiptist í einingar fyrir servóstýringu, skynjaralestur, aðalstýringu, stjórnborð og vélnám. Endanleg vélnámsnálgun byggði á þróunarlegri bestun þar sem mismunandi vænghreyfingar voru prófaðar, metnar út frá kraftmælingum og bestu hreyfimynstrin notuð til að búa til næstu kynslóð. Niðurstaða verkefnisins er frumgerð af prófunarkerfi sem getur framkvæmt endurteknar prófanir á vænghreyfingum og lagt grunn að áframhaldandi þróun sjálfvirkrar flugstýringar fyrir vélfugl.

Authors dc:creator

• Ernir Jónsson 2002-
• Daði Fannar Reinhardsson 2003-

Contributors dc:contributor

• Háskólinn í Reykjavík

• Tölvunarfræði
• Vélbúnaður (tölvur)
• Hugbúnaðargerð
• Ómönnuð farartæki
• Vélrænt nám

Language dc:language.iso

is

Handle dc:identifier.uri

https://hdl.handle.net/1946/53557

OAI identifier oai:identifier

oai:skemman.is:1946/53557