Samanburður lyfjaverðs á Norðurlöndunum : lokaverkefni unnið fyrir Veritas/Vistor

Á Íslandi gilda reglur um verðlagningu lyfja þar sem miðað er við lyfjaverð á hinum Norðurlöndunum. Því þurfa íslenskir lyfjainnflutningsaðilar að fylgjast með verðþróun og gera reglulegan verðsamanburð milli landa. Í dag er slíkt eftirlit handvirkt og er því tímafrekt, kostnaðarsamt og getur tafið komu nýrra lyfja á íslenskan markað. Því er þörf á lausn sem getur safnað, samræmt og birt lyfjaverð frá Norðurlöndunum. Markmið þessa verkefnis var að hanna og þróa slíka lausn fyrir einn stærsta lyfjainnflutningsaðila landsins, Veritas, og dótturfélag þess, Vistor. Í verkefninu var unnin notendagreining, kerfishönnun og að lokum þróað kerfi sem samanstendur af miðlægum gagnagrunni, bakenda og notendaviðmóti. Gögn eru sótt sjálfvirkt úr opinberum gagnagrunnum í þeim löndum þar sem þeir voru aðgengilegir, annars með vefskröpun af apótekssíðum. Þar sem lyfjaupplýsingar eru settar fram með ólíkum hætti milli landa var sérstök áhersla lögð á stöðlun gagna og pörun sambærilegra lyfja. Lyf voru pöruð með vörunúmerum, samsetningu eiginda lyfjanna og loks mállíkani ef fyrri aðferðir dugðu ekki. Kerfið gerir notendum kleift að leita í lyfjunum, skoða ítarupplýsingar þeirra, bera saman verð milli landa og fá innsýn í verðbreytingar og markaðstækifæri. Afurð verkefnisins, Lyfjavarðan, er komin í hendur notenda. Hún heldur utan um tæplega 30 þúsund einstök lyf frá Norðurlöndunum. Af þeim lyfjum sem Vistor flytur inn tókst að para um 86% við lyf frá öðrum löndum. Með því hefur verið lagður grunnur að lausn sem getur dregið úr handavinnu, aukið yfirsýn yfir lyfjamarkaðinn og stutt við reglulega verðvöktun.

Authors dc:creator

• Eyrún Embla Andradóttir 2001-
• Eva Rut Ómarsdóttir 2002-
• Þorbjörn Rami Aaro Jouhki 2002-

Contributors dc:contributor

• Háskólinn í Reykjavík

• Tölvunarfræði
• Hugbúnaðargerð
• Lyfjaverð

Language dc:language.iso

is

Handle dc:identifier.uri

https://hdl.handle.net/1946/53500

OAI identifier oai:identifier

oai:skemman.is:1946/53500