Skrið í umhverfisvænni brúarsteypu með móbergi sem íauka : prófanir á 90 daga sýnum

Í rannsókninni var skriðhegðun hefðbundinnar íslenskrar brúarsteypu borin saman við umhverfisvænni brúarsteypu með móbergi sem íauka. Samanburðurinn náði yfir fyrstu fimm mánuði eftir að steypusýni voru hlaðin. Meginmarkmið rannsóknarinnar var að meta hvort umhverfisvænni brúarsteypan sýndi sambærilega skriðhegðun og hefðbundin brúarsteypa, ásamt því að bera niðurstöður saman við skriðlíkön Eurocode ÍST EN 1992-1-1:2004 og fib Model Code 2020. Báðar blöndurnar sýndu sambærilega þróun skriðferla yfir tímabil mælinga. Í lok tímabils mældist skriðstuðull hefðbundinnar brúarsteypu um 0,49 en 0,43 fyrir umhverfisvænni brúarsteypuna. Formbreyting vegna skriðs var þó meiri í umhverfisvænni brúarsteypunni, eða um 330µε, samanborið við um 300µε í hefðbundnu brúarsteypunni. Einfalt mat á spennutapi í eftirspenntum köplum sýndi að spennutöpin voru vel innan þess sem almennt telst raunhæft fyrir eftirspennta steypu. Niðurstöðurnar benda til að umhverfisvænni brúarsteypan geti verið raunhæfur kostur, en þar sem mælingarnar ná aðeins yfir fyrstu stig langtímahegðunar þarf frekari rannsóknir á þróun skriðs og rýrnunar.

Author dc:creator

• Kristófer Bjarki H Kjerulf 1999-

Contributors dc:contributor

• Háskólinn í Reykjavík

• Byggingartæknifræði
• Steinsteypa
• Brúarsmíði

Language dc:language.iso

is

Handle dc:identifier.uri

https://hdl.handle.net/1946/53489

OAI identifier oai:identifier

oai:skemman.is:1946/53489