Starfsánægja og hvatning : samspil starfsánægju og afkasta

Viðfangsefni þessarar rannsóknar snýr að starfsánægju fólks en starfsánægja er talin eitt af grundvallaratriðum við mat á skilvirkni skipulagsheildar. Rannsóknir í tengslum við starfsánægju og frammistöðu í starfi er ein af virtustu rannsóknarhefðum en margar rannsóknir hafa sýnt hvernig starfsánægja hefur áhrif á langtíma og jákvæða frammistöðu starfsfólks. Það var á þriðja áratug seinustu aldar þegar rannsakendur hófu að skoða hugsanleg tengsl milli starfsánægju og frammistöðu. Síðan þá hafa fjölmargar rannsóknir verið gerðar með mismunandi útkomum. Tilgangur rannsóknarinnar var fyrst og fremst að kanna hvaða þættir hafa áhrif á starfsánægju og hvort starfsánægja hafi áhrif á frammistöðu í starfi. Notast var við eigindlega rannsóknaraðferð með því markmiði að fá dýpri skilning á viðfangsefninu. Niðurstöður þessarar rannsóknar sýna að áskoranir, félagsleg sambönd og að tilheyra skipulagsheildinni hafi mikil áhrif á starfsánægju einstaklinga og eru þessar niðurstöður í samræmi við fyrri rannsóknir. Heildarniðurstaða þessarar rannsóknar gefur til kynna að starfsánægja hafi jákvæð áhrif á frammistöðu í starfi.

Author dc:creator

• Hrefna Ýr Halldórsdóttir 1992-

Contributors dc:contributor

• Háskólinn í Reykjavík

• Viðskiptafræði
• Starfsánægja
• Velgengni

Language dc:language.iso

is

Handle dc:identifier.uri

http://hdl.handle.net/1946/41703

OAI identifier oai:identifier

oai:skemman.is:1946/41703