Breytingar og nýjungar í viðskiptum og umgjörð innherja með tilkomu MAR

Þann 12. júní 2014 birtist í Stjórnartíðindum Evrópusambandsins reglugerð um markaðssvik nr. 596/2014 (MAR). Reglugerðin tók formlega gildi 3. júlí 2016 í aðildarríkjum Evrópusambandsins og var tekin upp í samninginn um Evrópska Efnahagssvæðið í kjölfar ákvörðunar sameiginlegu EES nefndarinnar 25. október árið 2019. MAR leysir af hólmi tilskipun Evrópuþingsins og ráðsins nr. 2003/6/EB (MAD) sem lög um verðbréfaviðskipti nr. 108/2007 (vvl.) byggja á. Verðbréfaviðskiptalöggjöf Íslands hefur lengi vel mótast nánast alfarið af tilskipunum og reglugerðum frá Evrópusambandinu. Í þessari ritgerð er leitast við að meta hvaða áhrif MAR mun hafa á reglur og umgjörð um viðskipti innherja. Fyrsti kafli er tileinkaður umfjöllun um Evrópurétt og þeim grundvelli sem vvl. byggir á og sérstök áhersla lögð á aðdraganda og þá þróun sem liggur að baki MAD og MAR. Í öðrum kafla eru innherjum gerð skil eins og þeir eru skilgreindir í vvl. ásamt þeim breytingum sem MAR mun hafa í för með sér. Í þriðja kafla er gerð grein fyrir innherjalistum og áhrifum þess að vera settur á slíkan lista. Að auki er þar að finna helstu breytingar sem munu eiga sér stað með tilkomu MAR. Í fjórða kafla er varpað ljósi á núverandi mynd reglna um viðskipti innherja og hvaða breytingar þær reglur muni verða á þeim reglum með innleiðingur MAR. Í fimmta kafla er 1. tl. 1. mgr. 123. gr. vvl. skoðaður þar sem gert er grein fyrir helstu sjónarmiðum að baki reglunum auk þess sem gefinn er gaumur að helstu dómum sem hafa áhrif á túlkun ákvæðisins. Í sjötta kafla er samantekt og niðurlag. Þar er stiklað á stóru úr umfjöllun kaflanna á undan og dregnar saman þær breytingar og nýjungar sem MAR kemur til með að hafa á viðskipti og umgjörð innherja.

Author dc:creator

• Haraldur Andrew Aikman 1997-

Contributors dc:contributor

• Háskólinn í Reykjavík

• Lögfræði
• Innherjaviðskipti
• Verðbréfamarkaðsréttur

Language dc:language.iso

is

Handle dc:identifier.uri

http://hdl.handle.net/1946/36013

OAI identifier oai:identifier

oai:skemman.is:1946/36013