Áhrif óvæntra stýrivaxtabreytinga á ávöxtunarkröfu : Atburðarrannsókn 2010-2018

Helsta stýritæki Seðlabanka Íslands til að framfylgja peningastefnu sinni eru stýrivextir hans. Stýrivextir eru hornsteinn vaxtarófsins á Íslandi, en þeir hafa bæði bein og óbein áhrif á vexti til lengri og skemmri tíma. Rannsókn þessi snýr einna helst að áhrifum óvæntra stýrivaxtabreytinga á ávöxtunarkröfu tveggja ríkisskuldabréfa og millibankavaxta. Væntingar markaðarins eru metnar út frá spám greiningardeilda viðskiptabankanna þriggja. Framkvæmd er aðhvarfsgreining og áhrifin metin yfir svokallaðan atburðarglugga, frá tveimur viðskiptadögum fyrir ákvörðun stýrivaxta þar til tveimur dögum eftir ákvörðun þeirra. Einnig eru þau metin innan hvers dags fyrir sig í atburðarglugganum. Niðurstöður sýna að allar ávöxtunarkröfurnar, er nefndar voru hér að framan, bregðast tölfræðilega marktækt við óvæntri breytingu stýrivaxta, sem og að þau eru mest á ákvörðunardegi þeirra. Þá er sjónum rannsakenda einnig beint að gjaldeyrishöftunum en þau voru losuð í mars 2017. Við samanburð á viðbrögðum ávöxtunarkrafnanna kemur í ljós að áhrif óvæntra stýrivaxtabreytinga virðast meiri á tímabilinu eftir losun gjaldeyrishaftanna.

Authors dc:creator

• Arnór Brynjarsson 1996-
• Sigrún Vala Hauksdóttir 1996-

Contributors dc:contributor

• Háskólinn í Reykjavík

• Viðskiptafræði
• Hagfræði
• Stýrivextir
• Ávöxtun
• Vextir

Language dc:language.iso

is

Handle dc:identifier.uri

http://hdl.handle.net/1946/33066

OAI identifier oai:identifier

oai:skemman.is:1946/33066