Framleiðni í framlínustörfum hjá viðskiptabankanum; Áhrif menntunar, lífaldurs, starfsaldurs og starfsumhverfis

Framleiðni vinnuafls er lykilþáttur að samkeppnisforskoti, hámörkun virðis og umbótum á stjórnunaraðferðum fyrir fyrirtæki sem og hagsmunaaðila. Nú á dögum er þjónusta orðin ein veigamesta tekjuöflun hagkerfa en þrátt fyrir það hefur framleiðni hjá þjónustufyrirtækjum ekki verið mikið rannsökuð. Framleiðnimælingar eru verkfæri sem fyrirtæki geta notfært sér til þess að meta frammistöðu og skilvirkni á markaði og þar af leiðandi fengið tækifæri til að gera umbætur. Mælingarnar geta því komið til með að veita mikilvægar upplýsingar fyrir stjórnendur til að notast við í ákvarðanatöku. Markmið þessarar rannsóknar var að kynnast frekar hugtakinu framleiðni vinnuafls og að rannsaka hvort ákveðnar bakgrunnsbreytur starfsfólks hafi áhrif á framleiðni ráðgjafa og gjaldkera viðskiptabankans. Með það markmið að leiðarljósi voru rannsóknarspurningar eftirfarandi: Skilar hærra menntunarstig starfsfólks hærri meðalframleiðni? Hefur lífaldur áhrif á meðalframleiðni starfsfólks? Er fylgni á milli starfsaldurs og meðalframleiðni starfsfólks? Er munur á framleiðni starfsfólks á milli útibúa? Til þess að svara spurningunum voru gögn úr afgreiðslukerfi ráðgjafa og gjaldkera fengin frá viðskiptabankanum sem og bakgrunnsbreytur starfsfólks ásamt starfslýsingum. Niðurstöður leiddu í ljós að menntun hafði engin marktæk áhrif á meðalframleiðni starfsfólks. Hærri lífaldur og starfsaldur hafði veik neikvæð áhrif á meðalframleiðni ráðgjafa en engin marktæk áhrif á meðal gjaldkera. Þar að auki sýndu niðurstöður fram á töluverðan mun á meðalframleiðni gjaldkera á milli útibúa en ekki á meðal ráðgjafa. Lykilorð: viðskiptabanki, framleiðni, menntunarstig, lífaldur, starfsaldur og starfsumhverfi

Authors dc:creator

• Andrea Björk Kristjánsdóttir 1993-
• Gunnþóra Mist Björnsdóttir 1992-

Contributors dc:contributor

• Háskólinn í Reykjavík

• Viðskiptafræði
• Bankar
• Framleiðni
• Menntun

Language dc:language.iso

is

Handle dc:identifier.uri

http://hdl.handle.net/1946/30793

OAI identifier oai:identifier

oai:skemman.is:1946/30793