Viðhorf til hugrænnar þjálfunar í knattspyrnu : eigindlega rannsókn á viðhorfi íslenskra knattspyrnuþjálfara til hugrænnar þjálfunar

Er hægt að þjálfa hugarfarslega eiginleika? Í þessari eigindlegu rannsókn var leitað eftir viðhorfum íslenskra knattspyrnuþjálfara til hugrænnar þjálfunar. Tekin voru viðtöl við sex knattspyrnuþjálfara um ýmis atriði tengd hugrænni þjálfun. Velt var upp spurningum eins og hvort hugrænir eiginleikar væru meðfæddir, hvaða hugrænu eiginleikar væru mikilvægastir fyrir knattspyrnumenn að tileinka sér, hvernig staðið væri að hugrænni þjálfun í dag og hvort gera megi betur á einhverjum sviðum hugrænnar þjálfunar? Í ljós kom að allir viðmælendur töldu að hægt væri að gera betur eða auka markvissu hugrænnar þjálfunar. Enginn þeirra sem rætt var við taldi ófært að kenna hugræna færni og allir viðmælendur töldu að hefja ætti kennslu hugrænna eiginleika snemma ævinnar og aldrei seinna en um 14 ára aldur. Allir viðmælendurnir eru reyndir þjálfarar með víðtæka reynslu en þó er ekki hægt að alhæfa um niðurstöður þessarar rannsóknar yfir á alla þjálfara á Íslandi. Rannsakandi var ánægður með útkomu verkefnisins og telur hana gefa góða hugmynd um skoðanir þjálfara varðandi þjálfun hugrænnar færni. Hægt er að nýta niðurstöður þessa verkefnis til frekari rannsókna. Ótal rannsóknir af þessu tagi hafa verið framkvæmdar erlendis en vöntun er á frekari rannsóknum hér á landi.

Author dc:creator

• Björn Orri Hermannsson 1989-

Contributors dc:contributor

• Háskólinn í Reykjavík

• Íþróttafræði
• Knattspyrna
• Hugarþjálfun
• Tækni- og verkfræðideild

Language dc:language.iso

is

Handle dc:identifier.uri

http://hdl.handle.net/1946/28849

OAI identifier oai:identifier

oai:skemman.is:1946/28849