Íslensk fasteignafélög og skýringarkröfur IFRS 13 um mat á gangvirði

Í þessu verkefni eru skoðaðar skýringar á gangvirðismati fasteignafélaga á fjárfestingareignum þeirra. Leitað er svara við því hvort íslensku fasteignafélögin séu að framfylgja skýringarkröfum IFRS 13 og hvort munur sé á skýringum þeirra eftir innleiðingu staðalsins. Áhersla er lögð á íslensku fasteignafélögin sem skráð eru á markaði og skýringar þeirra bornar saman við skýringar fasteignafélaga í Svíþjóð, Noregi og Finnlandi. Skýrt er frá alþjóðlega reikningsskilastaðlinum IFRS 13 og helstu köflum hans. IFRS 13 staðallinn segir ekki hvenær félag skal meta eignir og skuldir á gangvirði heldur einungis hvernig þær skulu metnar. Niðurstöður rannsóknarinnar sýna að ekkert félag gerir greinargóða lýsingu á ferlinu við ákvörðun gangvirðis og uppfylla því ekki eina af skýringarkröfum staðalsins. Einnig fylgja félögin ekki skýringarkröfum staðalsins um næmisgreiningu með fullnægjandi hætti. Lítill sem enginn munur er á þeim aðferðum sem íslensku fasteignafélögin nota við gangvirðismat á fjárfestingareignum sínum. Helstu niðurstöður við samanburð á aðferðum íslensku og erlendu fasteignafélaganna við mat á gangvirði eru þær að erlendu félögin fá óháða utanaðkomandi aðila ýmist til að endurskoða ferlið við gangvirðismatið og/eða til að meta gangvirði fjárfestingareigna félaganna.

Authors dc:creator

• Haukur Sverrisson 1993-
• Ísak Andri Arnarson 1993-

Contributors dc:contributor

• Háskólinn í Reykjavík

• Viðskiptafræði
• Verðmat
• Fjárfestingar
• Reikningsskilastaðlar

Language dc:language.iso

is

Handle dc:identifier.uri

http://hdl.handle.net/1946/28222

OAI identifier oai:identifier

oai:skemman.is:1946/28222