Kostnaðargreining á HPV frumskimun á Íslandi

Tilgangur verkefnisins var að skoða annars vegar hvort hagkvæmt væri að innleiða HPV frumskimun fyrir leghálskrabbameini á Íslandi í aldurshópnum 30-65 ára og hins vegar hvort hagkvæmt væri að gera þær mælingar hérlendis. Gerð var kostnaðargreining á starfsemi frumurannsóknarstofunnar á Íslandi ásamt áætluðum kostnaði við HPV mælingar hérlendis og borið saman við sambærilegan kostnað hjá þremur erlendum rannsóknarstofum. Í fyrsta lagi benda niðurstöður til þess að fjárhagslega hagkvæmt yrði að innleiða HPV frumskimun hér á landi í aldurshópnum 30-65 ára. Í öðru lagi gæti HPV frumskimun minnkað sjúkdómsbyrði og fækkað dauðsföllum af völdum leghálskrabbameins. Í þriðja lagi yrði hagkvæmara að framkvæma HPV mælingar erlendis en hérlendis. Að lokum væri fjárhagslega hagkvæmara að útvista allri frumurannsóknarstarfsemi tengdri skimun fyrir leghálskrabbameini til erlendrar rannsóknarstofu í stað þess að framkvæma þessar rannsóknir hérlendis eins og nú er gert. Heilbrigðisyfirvöld á Íslandi ættu að skoða sem fyrst fýsileika þess að innleiða HPV frumskimun hér á landi. Lykilorð: HPV, kostnaðargreining, skimun, leghálskrabbamein.

Author dc:creator

• Björn Kristjánsson 1992-

Contributors dc:contributor

• Háskólinn í Reykjavík

• Viðskiptafræði
• Kostnaðargreining
• Leghálskrabbamein

Language dc:language.iso

is

Handle dc:identifier.uri

http://hdl.handle.net/1946/28188

OAI identifier oai:identifier

oai:skemman.is:1946/28188