Í ólgusjó deilna og ólíkra sjónarmiða: mismunandi viðhorf til gjaldtöku við náttúruperlur á Íslandi

Aukin umsvif ferðaþjónustu á Íslandi síðustu árin, hafa átt stóran þátt í endurreisn efnahagskerfisins hér á landi eftir hrun. Ferðaþjónustan hefur nýlega tekið fram úr sjávarútvegi sem stærsta útflutningsgrein þjóðarinnar. Þrátt fyrir aukin umsvif,tekjumöguleika og efnahagslegt gildi greinnarinnar, hafa stjórnvöld ekki sýnt greininni nægilegan áhuga að mati margra og eru margar náttúruperlur komnar að þolmörkum vegna ágangs ferðamanna og varanleg ummerki á ferðamannastöðum farin að sjást. Í þessu verkefni er fjallað um þau hagrænu vandamál sem fylgja sameiginlegum gæðum, en það er flokkur gæða sem náttúruperlur tilheyra. Greint verður frá því hvernig hagkvæmast er fyrir samfélagið að ráðstafa þessum auðlindum til þess að auka sjálfbærni þeirra og hámarka þessa tekjulind Íslendinga. Gjaldtaka, skattlagning og skilgreining eignarréttar eru dæmi um lausnir á vandamálum sem fylgja sameiginlegum gæðum. Jafnframt er gerð grein fyrir því á hvaða hátt notendagjald gæti hámarkað samfélagslegan ábata. Til stuðnings verkefninu var gerð könnun þar sem viðhorf Íslendinga til mögulegrar gjaldtöku á ferðamannastöðum var könnuð. Verkefnið leiddi í ljós að einkarekstur er arðbærari en rekstur hins opinbera og því hagkvæmara að rekstur í kringum náttúruperlur sé falin einkaaðilum. Niðurstöður sýna að meirihluti Íslendinga er sammála því að gjaldtaka sé þörf og að sú gjaldtökuleið sem eigi að fara séu komu- og brottfaragjöld.

Author dc:creator

• Eva Rakel Jónsdóttir 1992-

Contributors dc:contributor

• Háskólinn í Reykjavík

• Viðskiptafræði
• Auðlindanýting
• Gjaldtaka

Language dc:language.iso

is

Handle dc:identifier.uri

http://hdl.handle.net/1946/25383

OAI identifier oai:identifier

oai:skemman.is:1946/25383