Fæðingardagsáhrif í knattspyrnu

Knattspyrna er vinsælasta íþrótt bæði í heimi og á Íslandi. Um 14.000 börn og unglingar stunda knattspyrnu á Íslandi. Samkvæmt fyrri rannsóknum þá eru þeir sem eru fæddir fyrr á árinu líklegri til að standa sig betur bæði í íþróttum og á öðrum sviðum, þetta kallast fæðingardagsáhrif. Gerð var megindleg rannsókn þar sem leikmönnum var skipt niður í styrkleikaflokka af þjálfurum þeirra, foreldrar svöruðu hvenær leikmenn byrjuðu að æfa knattspyrnu og fóru leikmenn í þrjú próf, 10 m hlaup, KSÍ knattraksbraut og halda bolta á lofti. Þátttakendur voru 589 á aldrinum 9-14 ára. Markmið rannsóknarinnar var að athuga hvort að þeir sem eru fæddir snemma á árinu séu líklegri til að vera í betri getuflokki en þeir sem eru fæddir seint á árinu og athuga hvort þeir sem byrja fyrr að æfa knattspyrnu séu í hærri getuflokki. Niðurstöðurnar leiddu í ljós að meðalaldur hvenær leikmenn byrja að æfa knattspyrnu er lægstur hjá A-leikmönnum og fyrsti ársfjórðungurinn er sá fjórðungur sem flestir A-leikmenn eru fæddir. Niðurstöður í 4. flokki voru þó þannig að það voru ekki fæðingardagsáhrif í getuskiptingu leikmanna.

Author dc:creator

• Aðalbjörn Hannesson 1989-

Contributors dc:contributor

• Háskólinn í Reykjavík

• Íþróttafræði
• Knattspyrna
• Afmæli
• Megindlegar rannsóknir

Language dc:language.iso

is

Handle dc:identifier.uri

http://hdl.handle.net/1946/16253

OAI identifier oai:identifier

oai:skemman.is:1946/16253