Meginreglan um að eignarhaldi á landi fylgi veiðiréttur í vatni á eða fyrir því landi

Umfjöllunarefni ritgerðarinnar er hin forna regla íslensk réttar um að eignarhaldi á landi fylgi veiðiréttur í vatni á eða fyrir því landi, sbr. nú 1. mgr. 5. gr. laga um lax- og silungsveiði, nr. 61/2006. Í upphafsköflum ritgerðarinnar er stiklað á stóru yfir hugtök eins og eign og eignarréttindi, auk þess sem höfundur gerir fasteignum almenn skil. Því næst er sögulegt yfirlit yfir meginreglu 1. mgr. 5. gr. laga nr. 61/2006. Í ritgerðinni er fjallað um veiðirétt við uppskiptingu fasteigna. Umfjöllun um uppskiptingu fasteigna í séreign er tvíþætt og beinist að skiptingu fyrir og eftir gildistöku vatnalaga, nr. 15/1923. Fyrir gildistöku laganna voru engin ákvæði í íslenskum rétti sem takmörkuðu aðskilnað á veiðirétti frá landareign. Við sölu á hluta úr séreign fyrir gildistöku vatnalaga hafa dómstólar þar af leiðandi litið svo á að veiðiréttur hafi fylgt hinu selda landi nema kveðið hafi sérstaklega á um hið gagnstæða í afsali. Eftir gildistöku vatnalaga og fram til gildistöku laga nr. 61/2006 var óheimilt að skilja veiðirétt frá landareign. Við sölu á hluta úr séreign var þannig ekkert í lögum því til fyrirstöðu að veiðiréttur yrði skilinn frá fasteign sem féll ekki undir hugtakið landareign í skilningi lax- og silungsveiðilaga. Samkvæmt lögum nr. 61/2006 verður veiðiréttur nú ekki skilinn frá fasteign nema að uppfylltum nánar tilgreindum skilyrðum. Eftir landskipti á fasteign í óskiptri sameign helst veiðiréttur á hendi allra sameigenda nema staðbinding veiðiréttinda sé samþykkt af öllum sameigendum, sbr. 1. mgr. 3. gr. landskiptalaga, nr. 46/1941. Að lokum fjallaði höfundur um flutning veiðiréttar til fasteignar sem á hvergi liggur að vatni. Nú til dags er útilokað er að vinna ítak í veiðirétti fyrir landi annars manns samkvæmt hefðarlögum, nr. 46/1905, enda hafi ákvæði vatnalaga um skorður á aðskilnaði veiðiréttar frá landareign girt fyrir stofnun veiðiréttar með þessum hætti.

Author dc:creator

• Pétur Örn Pálmarsson 1988-

Contributors dc:contributor

• Háskólinn í Reykjavík

• Lögfræði
• Eignarréttur

Language dc:language.iso

is

Handle dc:identifier.uri

http://hdl.handle.net/1946/12326

OAI identifier oai:identifier

oai:skemman.is:1946/12326