Sýndarviðskipti sem markaðsmisnotkun, sbr. 2. tl. 1. mgr. 117. gr. laga um verðbréfaviðskipti nr. 108/2007

Markaðsmisnotkun í formi viðskipta snýst um að reyna að hafa áhrif á markaðsverð fjármálagerninga í þeirri von að hinn almenni fjárfestir fylgi í kjölfarið. Markmið lagareglna sem banna markaðsmisnotkun er því að stuðla að trúverðugum verðbréfamörkuðum, eðlilegri og gagnsærri verðmyndun á markaði og trausti fjárfesta á verðbréfamörkuðum. Beiting sýndarviðskipta og annars konar blekkinga í viðskiptum, sbr. 2. tl. 1. mgr. 117. gr. laga um verðbréfaviðskipti nr. 108/2007, rýrir traust almennings á verðbréfamarkaði og er mikilvægt að sporna við slíkri háttsemi til þess að stuðla að traustum viðskiptum á markaði. Umfjöllunarefni ritgerðarinnar er sú tegund markaðsmisnotkunar að beita blekkingum eða sýndarmennsku í viðskiptum, bæði með því að eiga viðskipti með fjármálagerninga í blekkingarskyni sem og með þeirri verknaðaraðferð að blekkja markaðinn með dreifingu rangra og/eða misvísandi upplýsingum um fjármálagerninga. Ritgerðin hefst á almennri umfjöllun um þær lagareglur sem taka á markaðsmisnotkun í lögum um verðbréfaviðskipti nr. 108/2007 sem byggir á 2. mgr. 1. gr. tilskipunar Evrópuþingsins og ráðsins nr. 2003/6/EB. Megin umfjöllunarefni ritgerðarinnar snýr að sýndarviðskiptum sem markaðsmisnotkun, í því skyni að er notast við leiðbeiningar evrópskrar samstarfsnefndar eftirlitsaðila (CESR) sem tilgreinir þá háttsemi sem getur talist vera markaðsmisnotkun. Þá verður fjallað um það eftirlitshlutverk sem fjármálafyrirtæki, skipulegir verðbréfamarkaðir og Fjármálaeftirlitið gegnir í því samhengi.

Author dc:creator

• Dagný Jónsdóttir 1988-

Contributors dc:contributor

• Háskólinn í Reykjavík

• Lögfræði
• Verðbréfamarkaðsréttur
• Markaðsmál

Language dc:language.iso

is

Handle dc:identifier.uri

http://hdl.handle.net/1946/12325

OAI identifier oai:identifier

oai:skemman.is:1946/12325