Ímynd Hvolsvallar sem áfangastaðar: Áhrif á aðdráttarafl og dvöl ferðamanna

Í þessari ritgerð er fjallað um ímynd Hvolsvallar sem áfangastaðar ferðamanna og hvernig hægt sé að styrkja hana til að lengja dvöl ferðamanna og auka aðdráttarafl staðarins. Markmið rannsóknarinnar var að skoða hvaða þættir móta ímynd Hvolsvallar, hvernig staðurinn er metinn af aðilum sem tengjast ferðaþjónustu og hvaða tækifæri eru til staðar til að þróa hann áfram sem áfangastað. Notuð var eigindleg rannsóknaraðferð og tekin voru hálfopin viðtöl við hagsmunaaðila sem tengjast ferðaþjónustu og þróun svæðisins. Niðurstöður rannsóknarinnar sýna að Hvolsvöllur er fyrst og fremst talinn þjónustukjarni og viðkomustaður á ferðamannaleið, frekar en sjálfstæður áfangastaður þar sem ferðamenn velja að dvelja lengur. Styrkleikar staðarins felast meðal annars í góðri staðsetningu, nálægð við vinsæla ferðamannastaði, grunnþjónustu og tengingu við menningu og sögu svæðisins. Tækifæri eru til að styrkja ímynd Hvolsvallar með betri nýtingu á sögu, menningu, afþreyingu, þjónustu og aukinni samvinnu ferðaþjónustuaðila. Lykilorð: Hvolsvöllur, ímynd áfangastaðar, ferðaþjónusta, viðkomustaður, dvalartími.

Author dc:creator

• Ólöf Sara Garðarsdóttir 1988-

Contributors dc:contributor

• Háskólinn á Hólum

• Stjórnun ferðaþjónustu og móttaka gesta
• Ferðamálafræði
• Ferðamannastaðir
• Ímyndarsköpun
• Hvolsvöllur

Language dc:language.iso

is

Handle dc:identifier.uri

https://hdl.handle.net/1946/53361

OAI identifier oai:identifier

oai:skemman.is:1946/53361