„Karl með klikkaða hugmynd“ : uppbygging Akranesvita sem ferðamannastaðar

Í þessari ritgerð er fjallað um uppbyggingu Akranesvita sem ferðamannastaðar og hlutverk Hilmars Sigvaldasonar í þeirri uppbyggingu. Ritgerðin er eigindleg tilviksrannsókn sem fylgir lífssöguforminu. Hún er byggð upp á viðtölum við Hilmar Sigvaldson, ásamt því að spurningarlisti var sendur öðrum þeim sem komu að ákvörðunartöku varðandi uppbyggingu ferðaþjónustu í Akranesvita svo sem starfsmönnum Akraneskaupstaðar, Vegagerðar og kjörnum fulltrúum. Helstu niðurstöður ritgerðarinnar er að uppbygging Akranesvita hafi að stóru leyti verið einstaklingsframtak í byrjun. Hugmynd sem þótti óraunhæf en fékk að lifa vegna þrautsegju eins manns. Markaðssetning vitans hefur að mestu farið fram í gegnum netið með sérstakri áherslu á samfélagsmiðla. Hilmar Sigvaldason fellur að mörgu leiti að skilgreiningunni „klassískur“ frumkvöðull, karlmaður á miðjum aldri sem ekki sér áhættu á sama hátt og aðrir. Þó er það niðurstaða ritgerðarinnar að hann myndi frekar flokkast sem lífsstíls-frumkvöðull, enda er eigin efnahagslegur ávinningur ekki markmið hans heldur uppbygging ferðaþjónustu til hagsbóta fyrir nærsamfélagið. Lykilorð: Akranes, Akranesviti, samfélagsmiðlar, lífsstílsfrumkvöðull, Hilmar Sigvaldason.

Author dc:creator

• Hjördís Garðarsdóttir 1979-

Contributors dc:contributor

• Háskólinn á Hólum

• Ferðamálafræði
• Akranesviti
• Frumkvöðlar
• Byggðasaga

Language dc:language.iso

is

Handle dc:identifier.uri

http://hdl.handle.net/1946/27918

OAI identifier oai:identifier

oai:skemman.is:1946/27918