Ferðaþjónusta á Flateyri : samstarf hagsmunaaðila og viðhorf heimamanna

Ferðaþjónustan á jaðarsvæðum landsins á stöðum eins og Flateyri á Vestfjörðum hefur aðeins verið að taka við sér á undanförnum árum. Enn en mikill munur fjölda ferðamanna á slíkum svæðum miðað við vinsæla ferðamannastaði á Suðurlandi. Á Flateyri hefur sjávarútvegurinn verið aðalatvinnuvegurinn en nú hafa verið að spretta upp lítil fyrirtæki í ferðaþjónustunni. Þar sem uppbyggingin í ferðaþjónustunni á Flateyri er á byrjunarstigi var meginmarkmiðið með þessari rannsókn að kanna viðhorf og áhuga heimamanna til ferðaþjónustunnar. Einnig var kannað hvort það væri samstarf á milli ferðaþjónustuaðila á staðnum eða hvor það væri ávinningur fyrir þá aðila að vinna saman. Í rannsókninni var notast við eigindlegar rannsóknaraðferðir þar sem fyrirliggjandi gögn voru notuð sem og hálfopin viðtöl við heimamenn og íbúa sem starfa í ferðaþjónustunni á Flateyri. Skoðað var klasasamstarf út frá hugmyndafræði Porters og hvort slíkt samstarf mætti nota í ferðaþjónustunni á Flateyri til að ná árangri í frekari uppbyggingu. Niðurstöður rannsóknarinnar sýna að áhugi heimamanna á ferðaþjónustunni er mikill og telja þeir hana vera samfélaginu í hag og ferðaþjónustuaðilar hafa mikinn áhuga á samstarfi við aðra í greininni en helst er það skortur á þekkingu sem hefur komið í veg fyrir að fyrirtæki og aðrir hagsmunaðilar vinni saman.

Author dc:creator

• Steinunn G. Einarsdóttir 1983-

Contributors dc:contributor

• Háskólinn á Hólum

• Ferðamálafræði
• Dreifbýli
• Viðhorfskannanir

Language dc:language.iso

is

Handle dc:identifier.uri

http://hdl.handle.net/1946/25068

OAI identifier oai:identifier

oai:skemman.is:1946/25068