Leiðir til sjálfbærni í íslenskri ferðaþjónustu : gjaldtaka og aðgangsstýring

Megin markmið þessarar B.A. ritgerðar er að rannsaka hugtakið sjálfbærni í ferðaþjónustu og kanna ágæti gjaldtöku sem stjórntækis í íslenskri ferðaþjónustu, með því markmiði að byggja langtíma áætlun í ferðaþjónustu er miðar að sjálfbærri nýtingu náttúruauðlinda. Með skoðun á fyrirliggjandi rannsóknum er lagt upp með það markmið að bera saman hugmyndina um náttúrupassa sem leið til stýringar í ferðaþjónustu og aðferðir aðgangsstjórnunar á vernduðum svæðum og með hliðsjón af gjaldtökukerfum í þjóðgörðum Bandaríkjanna og Kanada. Fyrst er hugtakið sjálfbærni rannsakað og hvað skapar sjálfbæra stefnumörkun í ferðaþjónustu með skýra áætlun um aðgangsstýringu á ferðamannastöðum. Í öðru lagi eru aðferðir aðgangsstjórnunar rannsakaðar og dæmi frá þjóðgörðum Bandaríkjanna og Kanada skoðaðar með tilliti til aðgangsstjórnunar sem styðja vernd náttúruauðlinda. Í þriðja lagi eru helstu aðstæður á Íslandi kannaðar og hugmyndin um náttúrupassa skoðuð. Að lokum er gerður samanburður á þeim aðferðum sem fjallað hefur verið um á grundvelli sjálfbærra markmiða og umræða lögð fram um hvaða aðferðir gætu skilað árangri fyrir framtíð sjálfbærrar ferðamennsku á Íslandi. Megin niðurstöður þessarar rannsóknar er að gjaldtaka ein og sér er ólíkleg til að duga sem lausn við aðgangsstjórnunarvanda á ferðamannastöðum þar sem þolmörk eru rofin. Vel útfært aðgangsstjórnunarkerfi er fýsilegur kostur fyrir íslenska ferðaþjónustu í því augnamiði að viðhalda til framtíðar gæðum þeirrar upplifunar sem ferðamenn sækjast eftir og vernda náttúrulegar auðlindir.

Author dc:creator

• Jóhanna María Elena Matthíasdóttir 1975-

Contributors dc:contributor

• Háskólinn á Hólum

• Ferðamálafræði
• Ferðaþjónusta
• Sjálfbærni
• Gjaldtaka

Language dc:language.iso

is

Handle dc:identifier.uri

http://hdl.handle.net/1946/21632

OAI identifier oai:identifier

oai:skemman.is:1946/21632