Mikilvægi nýsköpunar í ferðaþjónustu

Lokaverkefni þetta er tvískipt. Annars vegar er fræðilegur hluti, en viðfangsefni hans er nýsköpun í ferðaþjónustu og mikilvægi hennar fyrir aðila innan greinarinnar, upplifun ferðamanna á afþreyingu og áhrif nýsköpunar á upplifun. Hins vegar er rannsóknarhluti verkefnisins, sem felst í gerð viðskiptaáætlunar fyrir þá viðskiptahugmynd að fara með ferðamenn í tvær úteyjar í Vestmannaeyjum. Mikið hefur verið fjallað um nýsköpun í hinum ýmsu geirum undanfarin ár og ber þá oft hæst í umræðunni einhvers konar tækninýjungar. Nýsköpun getur hins vegar verið af ýmsum toga og flest verðum við mest vör við það þegar ný þjónusta eða nýjar vörur koma á markað. En nýsköpun getur einnig átt sér stað bak við tjöldin, t.d. í stjórnun eða ferlum. Niðurstöður benda til að mikilvægt sé fyrir aðila í ferðaþjónustu að stunda nýsköpun að einhverju marki annars er hætta á að viðskiptavinurinn snúi sér eitthvað annað. Nýsköpun getur þannig verið nauðsynleg til að tryggja samkeppnishæfni áfangastaðar eða fyrirtækis, m.a. með því að halda í núverandi viðskiptavini, afla nýrra og auka upplifun gesta. Niðurstöður viðskiptaáætlunarinnar sýna að raunhæft og hagkvæmt er að fara af stað með ferðir í úteyjar í Vestmannaeyjum.

Author dc:creator

• Brynja Hlín Ágústsdóttir 1976-

Contributors dc:contributor

• Háskólinn á Hólum

• Ferðamálafræði
• Nýsköpun í atvinnulífi
• Viðskiptaáætlanir

Language dc:language.iso

is

Handle dc:identifier.uri

http://hdl.handle.net/1946/16743

OAI identifier oai:identifier

oai:skemman.is:1946/16743