Allt í lag fyrir Fiskidag : samfélagslegur þrýstingur eða sjálfboðin vinna?

Bæjarhátíðin Fiskidagurinn mikli hefur verið haldin hátíðleg í Dalvíkurbyggð frá árinu 2001. Þátttaka sjálfboðaliða úr Dalvíkurbyggð er meginforsenda þess að hægt hefur verið að halda hátíðina og viðburði tengda henni í öll þessi ár, en árið 2012 voru vel yfir tvö hundruð manns að störfum fyrir Fiskidaginn mikla. Markmið þessarar ritgerðar var að kanna viðhorf sjálfboðaliða sem starfa við Fiskidaginn mikla í Dalvíkurbyggð. Tekin voru hálf opin viðtöl við sex aðila sem eiga það sameiginlegt að hafa starfað fyrir Fiskidaginn í mörg ár, ýmist á vegum félagasamtaka eða sem einstaklingar. Að auki var tekið viðtal við formann hestamannfélagsins Hrings en félagið hefur milligöngu um öflun sjálfboðaliða. Ennfremur var gagna aflað í skjalasafni Fiskidagins mikla. Helstu niðurstöður voru þær að sjálfboðaliðar væru almennt sáttir við störf sín í þágu Fiskidagsins mikla og vilja með engu móti missa af þeim. Megin ástæða fyrir þátttöku sjálfboðaliðanna er persónulegur áhugi á hátíðinni. Sjálfboðaliðunum finnst hún þess virði að taka þátt í og gera það á eigin forsendum og telja að ekki sé um samfélagslegan þrýsting að ræða. Lykilhugtök: viðburðir, bæjarhátíðir, sjálfboðaliðar, Fiskidagurinn mikli, Dalvík.

Author dc:creator

• Valgerður Björg Stefánsdóttir 1967-

Contributors dc:contributor

• Háskólinn á Hólum

• Ferðamálafræði
• Dalvík
• Hátíðir
• Sjálfboðastörf

Language dc:language.iso

is

Handle dc:identifier.uri

http://hdl.handle.net/1946/15166

OAI identifier oai:identifier

oai:skemman.is:1946/15166