Rafræn stjórnsýsla og opinber innkaup

Íslensk stjórnvöld settu sér sameiginleg markmið með ríkjum ESB að árið 2010 yrðu 50% opinberra innkaupa yfir viðmiðunarmörkum útboðsskyldu til Evrópska efnahagssvæðisins framkvæmd með rafrænum hætti. Þetta er í samræmi við stefnu ríkisstjórnarinnar og ráðherrayfirlýsingu aðildarlanda ESB sem fela í sér að bæta skuli og auka rafræna þjónustu hins opinbera við almenning og fyrirtæki. Settar eru fram eftirfarandi rannsóknarspurningar: 1. Hvert er útboðshlutfall opinberra innkaupa Íslands inni á EES svæðinu í samanburði við önnur aðildarríki evrópska efnahagssamningsins? 2. Hvert er verðmæti opinberra innkaupa ríkisjóðs sem aflað er með útboðsaðferð í hlutfalli af heildarútgjöldum opinberra innkaupa? 3. Hafa íslensk stjórnvöld náð markmiðum sínum að árið 2010 verði 50% opinberra innkaupa, sem auglýst eru inn á EES svæðinu, framkvæmd með rafrænum hætti? 4. Hver er staða rafrænnar stjórnsýslu Íslands samanborið við aðildarríki ESB? 5. Hver yrði arðsemi af því að innleiða rafrænt umsýslukerfi til að annast opinber innkaup? Út frá niðurstöðum rannsóknarspurninga er það mat höfundar að markmiðasetningu stjórnvalda hafi ekki verið náð og mikið hagræði yrði af því að innleiða rafrænt umsýslukerfi til að annast opinber innkaup og tryggja þar með jafnræði og gagnsæi og hagnýta upplýsingagjöf í opinberum viðskiptum. Markmið með þessari ritgerð er að opna umræðu um opinber innkaup og benda á mikilvægi þess að hafa auðvelt aðgengi að upplýsingum svo markaðurinn geti veitt stjórnvöldum aðhald. Þannig aukast líkur á að farið sé að lögum og reglum sem um málaflokkinn gilda sem einnig leiðir til aukinnar virkrar samkeppni.

Author dc:creator

• Ragnar Davíðsson 1960-

Contributors dc:contributor

• Háskólinn á Bifröst

• Viðskiptafræði
• Alþjóðaviðskipti
• Rafræn stjórnsýsla

Language dc:language.iso

is

Handle dc:identifier.uri

http://hdl.handle.net/1946/7896

OAI identifier oai:identifier

oai:skemman.is:1946/7896