Skattlagning með tilliti til fjölskyldunnar

Í þessari ritgerð er leitað svara við rannsóknarspurningunum Er íslenska tekjuskattskerfið fjölskylduvænt? og Hvernig má gera tekjuskattskerfið fjölskylduvænna? Byrjað var á að skilgreina orðin „fjölskylda“ og „fjölskylduvænt“. Því næst var sá hluti íslenska tekjuskattskerfisins sem snýr að skattlagningu manna utan rekstrar skoðaður vel ásamt helstu skattlagningarreglum sem gilda um hjón. Ákveðið var að bera íslenska skattkerfið saman við danska skattkerfið og var það því rannsakað á sama hátt og íslenska skattkerfið og skattkerfin svo borin saman. Þegar upp er staðið er ekki hægt að gefa einfalt já eða nei svar við spurningunni Er íslenska tekjuskattskerfið fjölskylduvænt? Skattkerfið miðar við skattlagningu einstaklinga en býr þó yfir ýmsum liðum sem telja má fjölskylduvæna, það er því hægt að segja að íslenska tekjuskattskerfið sé að einhverju leyti fjölskylduvænt. Íslenska tekjuskattskerfið má meðal annars gera fjölskylduvænna með sérstakri fjölskylduskattlagningu, heimila frádrátt vaxtagjalda á móti vaxtatekjum, vaxtagjaldaþaki, fleiri frádráttarheimildum, sérstökum fjölskyldufrádrætti, heimild foreldra til að nýta skattkort heimabúandi barna, afnámi tekju- og eignatenginga, og með skattfrjálsum endurgreiðslum á tilteknum kostnaði svo að eitthvað sé nefnt. Er hér að finna svar við spurningunni Hvernig má gera tekjuskattskerfið fjölskylduvænna?

Author dc:creator

• Jórunn Kristín Fjeldsted 1966-

Contributors dc:contributor

• Háskólinn á Bifröst

• Lögfræði
• Skattaréttur
• Fjölskyldur

Language dc:language.iso

is

Handle dc:identifier.uri

http://hdl.handle.net/1946/6681

OAI identifier oai:identifier

oai:skemman.is:1946/6681