Englakroppar ehf. barnafataverslun : viðskiptaáætlun

Verkefni þetta er viðskiptaáætlun og er unnið sem lokaverkefni við Háskólann á Bifröst vorið 2010. Viðfangsefnið verkefnis er eins og fyrr segir að gera viðskiptaáætlun og með henni að kanna hvort vænlegt sé að opna barnafataverslun á höfuðborgarsvæðinu þegar fram líða stundir. Höfundur áætlunarinnar hefur lengi langað til þess að skoða verkefni sem þetta og fannst því kjörið að nýta hugmyndina sem BS verkefni þar sem hann hefur gengið með hana í kollinum í nokkur ár. Á tímum sem þessum þar sem efnahagskreppa geysir og mikið atvinnuleysi ríkir telur skýrsluhöfundur að einnig liggi tækifæri og langar að kanna hvort eitt þeirra tækifæra kunni að liggja í áætlun sem þessari. Markmiðið er að vinna ýtarlega að viðskiptaáætlun sem nýta má til þess að kanna þann farveg sem þarf að kanna áður en farið er í opnun verslunar af þessu tagi. Verkefninu er skipt upp í tvo megin hluta eins og sjá má á efnisyfirliti. Í fyrri hluta verkefnisins er byrjað á því að fjalla um tilgang viðskiptaáætlunar almennt og svo verður farið í efni hennar. Hvaða efnisþættir eru það sem þurfa að vera til staðar þegar vinna á viðskiptaáætlun og hvað skulu þeir þættir innihalda. Í seinni hluta verkefnisins verður farið í innihald viðskiptaáætlunarinnar og uppsetningu en byggt verður á þeim gögnum sem unnið verður með og lúta að rekstri verslunarinnar. Hugmyndin verður kynnt og henni lýst, einnig verður farið yfir þætti eins og rekstrarform og framtíðarsýn. Varan og þjónustan verður kynnt ásamt markaðsgreiningu sem gerð hefur verið á markaði. Að lokum verður farið yfir helstu tölur, rekstrar og fjárhagsáætlun verður kynnt, niðurstöðurnar verða dregnar saman og birtar.

Author dc:creator

• Lovísa Anna Pálmadóttir 1980-

Contributors dc:contributor

• Háskólinn á Bifröst

• Viðskiptafræði
• Viðskiptaáætlanir

Language dc:language.iso

is

Handle dc:identifier.uri

http://hdl.handle.net/1946/6098

OAI identifier oai:identifier

oai:skemman.is:1946/6098