Skipulögð brotastarfsemi með áherslu á greinarmun á samverknaði skv. 2. mgr. 70. gr. almennra hegningarlaga í verkskiptri aðild og skipulögðum brotasamtökum skv. 2. mgr. 175. gr. a. með félagsskap þriggja.

Ritgerð þessi fjallar um skipulagða brotastarfsemi og hvernig hún birtist í íslenskum refsirétti. Sérstök áhersla er lögð á greinarmun á samverknaði skv. 2. mgr. 70. gr. almennra hegningarlaga með verkskiptri aðild og skipulögðum brotasamtökum samkvæmt 2. mgr. 175. gr. a almennra hegningarlaga. Með þessari umfjöllun er leitast við að varpa ljósi á þau skilyrði sem þurfa að vera uppfyllt til að beita annars vegar refsiþyngingarákvæði, sbr. 2. mgr. 70. gr. almennra hegningarlaga, og hins vegar til að sakfella á grundvelli 2. mgr. 175. gr. a almennra hegningarlaga. Í upphafi ritgerðarinnar er fjallað almennt um eðli, einkenni og þróun skipulagðrar brotastarfsemi, bæði í íslensku og alþjóðlegu samhengi, og er með því lagður grunnur fyrir frekari greiningu. Þá er rýnt í lagasetningu um skipulögð brotasamtök í íslenskum lögum og gerð grein fyrir tengslum lagaákvæða við alþjóðlega samninga, svo sem samning Sameinuðu þjóðanna gegn fjölþjóðlegri glæpastarfsemi. Þar á eftir er gerður samanburður á sambærilegum lagaákvæðum í norrænum rétti. Í framhaldinu er dómaframkvæmd íslenskra dómstóla greind ítarlega með það að markmiði að sýna fram á hvernig dómstólar hafa í gegnum tíðina greint á milli samverknaðar og þátttöku í skipulagðri brotastarfsemi. Að lokum eru helstu niðurstöður dregnar saman.

Author dc:creator

• Vignir Ingi Eggertsson 1997-

Contributors dc:contributor

• Háskólinn á Bifröst

• Lögfræði
• Refsiréttur
• Hegningarlög
• Glæpahringir
• Afbrot

Language dc:language.iso

is

Handle dc:identifier.uri

https://hdl.handle.net/1946/53892

OAI identifier oai:identifier

oai:skemman.is:1946/53892