Gervigreind í bókhaldi: Ábyrgð, þekking og hindranir í íslenskum fyrirtækjum 2026

Markmið þessarar rannsóknar er að greina hvernig ábyrgð og þekking eru tryggð við notkun gervigreindar í bókhaldi íslenskra fyrirtækja og hvaða hindranir standa í vegi fyrir ábyrgri og löglegri innleiðingu hennar árið 2026. Sérstök áhersla er lögð á áhrif fyrirtækjastærðar og regluverks, einkum EU AI Act. Rannsóknin byggir á blandaðri aðferð þar sem megindleg gögn voru fengin úr spurningakönnun meðal bókara og endurskoðenda (n = 100) og eigindleg gögn úr djúpviðtali við sérfræðing. Gögn voru greind með lýsandi tölfræði og þemagreiningu og túlkuð í ljósi kenninga um tækniupptöku, einkum tækniviðurkenningarlíkansins (Davis, 1989) og kenningarinnar um útbreiðslu nýjunga (Rogers, 2003). Niðurstöður benda til þess að gervigreind sé þegar orðin hluti af daglegu starfi í bókhaldi, en notkun hennar sé að mestu bundin við einföld og síendurtekin verkefni. Þrátt fyrir reglulega notkun er skortur á nægri þekkingu til að meta niðurstöður kerfanna, sem bendir til misræmis milli tæknilegra möguleika og færni notenda. Ábyrgð er talin liggja hjá starfsmönnum og fyrirtækjum fremur en tækninni sjálfri. Helstu hindranir eru skortur á þekkingu, kostnaður, flókið regluverk og óvissa um ábyrgð. Áhrif EU AI Act eru talin takmörkuð við einföld verkefni, en líkleg til að aukast með flóknari notkun. Rannsóknin leggur sitt af mörkum til fræðilegrar umræðu um gervigreind í bókhaldi og veitir hagnýta innsýn fyrir fyrirtæki, fagfólk og stjórnvöld um ábyrga og skilvirka innleiðingu tækninnar.

Author dc:creator

• Alexander Már Þorláksson 1995-

Contributors dc:contributor

• Háskólinn á Bifröst

• Gervigreind
• Bókhald

Language dc:language.iso

is

Handle dc:identifier.uri

https://hdl.handle.net/1946/53801

OAI identifier oai:identifier

oai:skemman.is:1946/53801