Er sviðið mitt? Aðgengi sjálfstætt starfandi tónlistarmanna að tónleikahaldi í Hörpu

Í rannsókninni er skoðað hvernig sjálfstætt starfandi tónlistarmenn upplifa aðgengi sitt að tónleikahaldi í Hörpu, hvaða hindrunum þeir mæta og hvort ólík tegund tónlistar hafi þar jafnan aðgang. Markmið rannsóknarinnar er að varpa ljósi á upplifanir og reynslu tónlistarmanna sem og samskipti þeirra við þessa mikilvægu menningarstofnun. Áhersla er lögð á að skoða félagsleg og efnahagsleg áhrif á aðgengi og þátttöku við tónleikahald í Hörpu. Rannsóknin byggist á eigindlegri aðferð með hálfopnum viðtölum við sjö sjálfstætt starfandi tónlistarmenn sem allir hafa fjölbreytta reynslu af tónleikahaldi í húsinu. Kenningar Pierre Bourdieu og Howard S. Becker um menningarframleiðslu veita fræðilegan ramma rannsóknarinnar. Í ljósi þeirra má skilja Hörpu sem vettvang þar sem ólíkar gerðir auðs, valds og samvinnu takast á. Rannsóknin varpar þannig ljósi á hvernig efnahagslegar leikreglur geta mótað raunverulegt aðgengi að menningarstofnunum eins og Hörpu þrátt fyrir yfirlýst jafnrétti. Niðurstöður rannsóknarinnar sýna að formlega njóta allir tónlistarmenn jafns aðgangs að Hörpu, en í framkvæmd er kostnaður við tónleikahald, einkum há salaleiga og ýmiss viðbótarkostnaður, meginhindrunin. Þessi fjárhagslegi þröskuldur veldur því að aðgengi ræðst í raun af efnahagslegri getu fremur en listrænni eða faglegri hæfni, sem getur leitt til óbeinnar mismununar eftir tónlistarstíl og verkefnagerð. Þannig má segja að jafn aðgangur sé til staðar á yfirborðinu, en undirliggjandi efnahagslegar leikreglur leiði til óbeins misréttis. Lykilorð: Tónlistarmenn, Harpa, aðgengi, menningarframleiðsla, kostnaðarhindranir

Author dc:creator

• Birna Klara Björnsdóttir 1974-

Contributors dc:contributor

• Háskólinn á Bifröst

• Tónlistarfólk
• Harpa
• Kostnaður
• Tónleikar

Language dc:language.iso

is

Handle dc:identifier.uri

https://hdl.handle.net/1946/52153

OAI identifier oai:identifier

oai:skemman.is:1946/52153