Tilfinningavinna fangavarða: „ég er í þessu því ég elska þetta starf og ég væri ekki í þessu nema bara vegna þess“.

Útdráttur: Markmið þessarar rannsóknar var að varpa ljósi á andlega líðan og tilfinningavinnu fangavarða sem starfa í fangelsum á Íslandi. Sérstök áhersla var lögð á að skoða hvernig starfið hefur áhrif á líðan, faglega sjálfsmynd og viðbrögð við álagi í daglegu starfi. Rannsóknin byggir á eigindlegri aðferðafræði og unnin var þemagreining á viðtölum við átta fangaverði með ólíkan starfsaldur og bakgrunn. Viðmælendur lýstu starfi sínu sem tilfinningalega krefjandi og töluðu um að álag birtist ekki síst í formi stöðugrar viðveru, ábyrgðar og ófyrirsjáanleika. Streita og einkenni kulnunar virtust samofin starfinu, jafnvel þótt þau væru ekki alltaf viðurkennd formlega. Þó að margir fundu fyrir ánægju og tilgangi í starfi, kom skýrt fram að formlegur stuðningur við andlega heilsu væri takmarkaður og eftirfylgni ekki næg. Tilfinningavinna reyndist veigamikill hluti starfsins þar sem fagmennska fólst í því að sýna yfirvegun og halda ró í aðstæðum sem geta verið bæði viðkvæmar og streituvaldandi. Niðurstöðurnar sýna að fangaverðir reiða sig að miklu leyti á óformlegan félagastuðning og persónulegar aðferðir til að takast á við álag. Mikilvægt er að móta faglegt umhverfi þar sem tilfinningavinna er viðurkennd sem hluti starfsins og stuðningsúrræði eru aðgengileg og virk áður en álag verður langvarandi.

Author dc:creator

• Laufey Sif Ingólfsdóttir 1988-

Contributors dc:contributor

• Háskólinn á Bifröst

• Starfsumhverfi
• Streita
• Vellíðan
• Líðan
• Fangaverðir
• Emotional Labor
• Social Support system

Language dc:language.iso

is

Handle dc:identifier.uri

https://hdl.handle.net/1946/50777

OAI identifier oai:identifier

oai:skemman.is:1946/50777