Áhrif samfélagsmiðla á kaupákvarðanir neytenda

Niðurstöðurnar úr ritgerðinni sýna fram á mikilvægi samfélagsmiðla sem áhrifavalds í kauphegðun neytenda. Rannsóknin leiddi í ljós að ákveðnar lýðfræðilegar breytur, svo sem aldur og kyn, hafa marktæk áhrif á hvernig neytendur bregðast við markaðsefni á samfélagsmiðlum, sem samræmist fræðilegum umfjöllunum um mikilvægi sundurgreindrar markaðssetningar. Þessar niðurstöður svara rannsóknarspurningunni um hvaða þættir á samfélagsmiðlum hafa áhrif á kauphegðun neytenda með því að undirstrika mikilvægi skilnings á lýðfræðilegum breytum og þörfina fyrir markaðsfólk að beina skilaboðum sínum með tilliti til þessa. Rannsóknin sýndi einnig fram á að traust til auglýsinga á samfélagsmiðlum og áhrifavaldanna sem mæla með vörum er mismikið og upphaflega neikvæð viðbrögð við auglýsingum á samfélagsmiðlum geta oft skýrst af skorti á trúverðugleika þess sem auglýsir og ófullnægjandi upplýsingum um vöruna. Þetta undirstrikar mikilvægi þess fyrir fyrirtæki að byggja upp sterka og áreiðanlega ímynd til að öðlast traust og hollustu viðskiptavina. Áhrif ásýndar og skynjaðra gæða voru líka greinileg í niðurstöðunum, þar sem flestir viðmælendur voru líklegri til að kaupa vörur sem þeir töldu aðlaðandi og af góðum gæðum. Þetta undirstrikar hversu mikilvægt er fyrir vörumerki að fjárfesta í hönnun og gæðum, ekki aðeins í framleiðslu heldur einnig í þeirri mynd sem birtist á samfélagsmiðlum. Samantektin sýnir að samfélagsmiðlar eru öflugt tól í markaðssetningu sem getur haft áhrif á kaupákvarðanir neytenda. Þetta gefur stjórnendum og markaðsfólki dýrmætar upplýsingar og innsýn sem nýtast í ákvarðanatöku og stefnumótun í markaðsstarfi.

Author dc:creator

• Eyþór Aron Wöhler 2002-

Contributors dc:contributor

• Háskólinn á Bifröst

• Markaðssetning
• Kauphegðun
• Neytendur
• Samfélagsmiðlar

Language dc:language.iso

is

Handle dc:identifier.uri

https://hdl.handle.net/1946/49235

OAI identifier oai:identifier

oai:skemman.is:1946/49235