,,Get ég fengið að máta þetta?" Hvað geta verslanir á Íslandi gert til að koma í veg fyrir að vera notaðar sem mátunarklefar eða sýningarsalir fyrir Boozt?

Í kjölfar Covid-19 heimsfaraldurs breyttist kauphegðun neytenda til muna, en vegna samkomutakmarkana byrjuðu margar verslanir að bjóða upp á netverslanir. Í dag eru enn margir neytendur sem kjósa frekar vefverslanir heldur en hefðbundnar brick and mortar verslanir og hafa fræðimenn borið kennsl á ákveðnar neytendahegðanir í auknum mæli. Annars vegar er það neytendahegðun sem er kölluð showrooming og hinsvegar er það neytendahegðunin webrooming. Með tilkomu þessara breyttu neytendahegðana hafa verslanir þurft að bregðast við til að vera samkeppnishæf við stórar erlendar verslanakeðjur líkt og norrænu stórverslunina Boozt. Með tilkomu Boozt á íslenskan markað hefur borið á því að íslendingar heimsæki verslanir til að máta eða skoða vörur, en kaupi svo vörurnar ódýrari hjá Boozt. Meginmarkmið þessa verkefnis var að finna svör við því hvað verslanir á Íslandi geta gert til að koma í veg fyrir að vera notaðar sem mátunarklefar eða sýningarsalir fyrir Boozt. Til að svara rannsóknarspurningunni var gagnaöflun tvíþætt. Annars vegar var notast við megindlega rannsókn þar sem neytendur voru út um áhrifaþætti á vörukaup þeirra, hvort sem það væri á Boozt eða í verslun á Íslandi. Hinsvegar var notast við eigindlega rannsókn í formi viðtala við fulltrúa verslana. Tilgangur viðtalana var að fá innsýn verslana í þessa neytendahegðun, hvort verslanir teldu þetta raunverulegt vandamál og hvernig viðmælendur teldu sig geta nýtt styrkleika og tækifæri verslunarinnar til að ná betri árangri í samkeppni við Boozt. Lykilorð: Brick and mortar verslun, vefverslun, showrooming, webrooming, neytendahegðun.

Author dc:creator

• Ágústa Íris Helgadóttir 1988-

Contributors dc:contributor

• Háskólinn á Bifröst

• Netverslun
• Kauphegðun
• Neytendur

Language dc:language.iso

is

Handle dc:identifier.uri

https://hdl.handle.net/1946/49216

OAI identifier oai:identifier

oai:skemman.is:1946/49216