Smellur eða skellur? Áhrif smellibeitu á traust til íslenskra fréttamiðla

Með tilkomu samfélagsmiðla og stafrænnar tækni hefur dreifing frétta gjörbreyst vegna gagnvirkra og persónulegra samskipta en það hefur einnig haft í för með sér áskoranir á borð við smellibeitu. Rannsóknin leitast við að svara spurningunni: Hvernig koma möguleg áhrif smellibeitu á traust almennings til íslenskra fréttamiðla fram og í hvaða mæli? Smellibeita einkennist af tilfinningahlöðnum fyrirsögnum sem auka þátttöku til skemmri tíma en grafa undan trúverðugleika miðlanna til lengri tíma. Rannsóknin byggir á kenningum um dagskrárvald, innrömmun og notagildi með áherslu á siðferðilegar áskoranir sem fréttamiðlar standa frammi fyrir. Með blandaðri aðferðafræði sem samanstendur af innihaldsgreiningu á fyrirsögnum og spurningakönnun meðal almennings greinir rannsakandi hvort notkun smellibeitu hafi áhrif á traust til helstu íslensku miðlanna: RÚV, DV, Vísis, Heimildarinnar og MBL. Niðurstöðurnar sýna að smellibeitufyrirsagnir grafa undan trausti almennings og stefna trúverðugleika miðlanna í hættu, þrátt fyrir að þátttaka aukist. Þetta undirstrikar mikilvægi siðferðilegra viðmiða til að samræma fjárhagslega hagsmuni og ábyrgð fréttamiðla. Niðurstöðurnar veita mikilvægar hagnýtar upplýsingar fyrir íslenska fréttamiðla og stefnumótendur og bjóða upp á leiðarvísi til að viðhalda trausti í stafrænu umhverfi.

Author dc:creator

• Ásdís Inga Haraldsdóttir 1992-

Contributors dc:contributor

• Háskólinn á Bifröst

• Fjölmiðlar
• Samfélagsmiðlar
• Traust
• Fréttaflutningur

Language dc:language.iso

is

Handle dc:identifier.uri

https://hdl.handle.net/1946/49190

OAI identifier oai:identifier

oai:skemman.is:1946/49190