Menningarkortlagning : aukin upplýsingaþjónusta fyrir ferðamenn

Á hverju ári kemur fjöldi ferðamanna til Íslands í þeim tilgangi að upplifa landið, náttúru þess og menningu. Þeir ferðamenn sem hingað koma hafa allir áhrif á íslenskt efnahagslíf með neyslu sinni. Markmið þessarar rannsóknar er að skoða hvort menningarkortlagning geti aukið upplýsingaþjónustu fyrir ferðamenn á Íslandi og hvaða leiðir er hægt að fara. Rannsakandi er starfandi innan skapandi greina hérlendis, með víðtækan áhuga á menningu. Tilgangur rannsóknarinnar er að skoða tækifæri menningarkortlagningar til að auka aðgengi ferðamanna að upplýsingum svo fólk og fyrirtæki sem starfar innan menningargeirans og í ferðaþjónustu geti komið sér á framfæri og bæta upplifun ferðamanna. Niðurstöður rannsóknarinnar leiða í ljós að menningarkortlagning hafi alla burði til þess að auka upplýsingaþjónustu fyrir ferðamenn. Með því að kortleggja, skrásetja og halda utan um menningarverðmæti landsins er tækifæri til þess að byggja sterkan gagnagrunn sem myndi reynast verðmætur, líka þegar kemur að því að skilgreina íslenska menningu og halda utan um menningarverðmæti landsins. Það er mikið sóknarfæri í því að beita kortlagningu og gera niðurstöður hennar aðgengilegar þeim sem koma hingað til að upplifa menningu landsins. Með niðurstöðum rannsóknarinnar vonast rannsakandi til þess að hún geti orðið að gagni í uppbyggingu á íslenskri menningu innan ferðaþjónustu. Niðurstöður hennar gefa mynd af því hve stór þáttur menning, í sinni víðustu skilgreiningu, er í augum ferðamanna.

Author dc:creator

• Daníel Óskar Jóhannesson 1999-

Contributors dc:contributor

• Háskólinn á Bifröst

• Félagsvísindi
• Lokaritgerðir
• Menningarfræði
• Ferðaþjónusta

Language dc:language.iso

is

Handle dc:identifier.uri

http://hdl.handle.net/1946/48270

OAI identifier oai:identifier

oai:skemman.is:1946/48270