Sviðslistir fyrir öll?

Lokaverkefni þetta er til B.A.-gráðu og er tilgangur þess að varpa ljósi á þá aðgreiningu sem á sér stað innan sviðslista á Íslandi. Áhersla er lögð á að skoða aðgengi fatlaðra að sviðslistum og inngildingu þess jaðarhóps. Jafnframt að auka þekkingu og skilning á hugtökunum inngilding og ableismi og sýna fram á mikilvægi menningarlegs jafnréttis og fjölbreytni. Þá eru helstu sviðslistastofnanir landsins fengnar til þess að lýsa fyrirhuguðum aðgerðum sínum hvað varðar aukinn fjölbreytileika og inngildingu innan sviðslista. Niðurstöður gefa til kynna að að við séum fremur stutt á veg komin hvað varðar inngildingu innan sviðslista og meginstraumssviðslistir og menntastofnanir á Íslandi eiga enn langt í land að innleiða raunverulega inngildingu. Samtalið er þó sannarlega hafið og meðvitund um einsleitnina og aðgreininguna sem birtist okkur í menningu og listum er til staðar. Auðvelt er að spegla umræðuna um inngildingu við jafnréttisbaráttu kynjanna. Það var erfitt í framkvæmd og þurfti mikinn hita í umræðunni til þess að ná fram árangri í þeim málaflokki. Fyrsta skrefið er að gera grein fyrir augljósri mismunun og aðgreiningu sem á sér stað innan menningarstofnana, setja á fót inngildandi stefnur og aðgerðaráætlanir; búa til verklag og aðgerðarplan til þess að jafna stöðuna og fylgja því eftir.

Author dc:creator

• Hrafnhildur Heiða Sandholt 1994-

Contributors dc:contributor

• Háskólinn á Bifröst

• Félagsvísindi
• Sviðslistir
• Aðgengi fatlaðra
• Inngilding
• Menningarstofnanir

Language dc:language.iso

is

Handle dc:identifier.uri

http://hdl.handle.net/1946/46348

OAI identifier oai:identifier

oai:skemman.is:1946/46348